طريقة عمل مكرونة بالبشاميل
- نوع الوصفة: اطباق رئيسية
- محتوى الوصفة: معجنات
- درجة الصعوبة: سهلة
- الكمية تكفي: 4 أشخاص
- وقت التحضير: 30 دقيقة
- وقت الطهي: 60 دقيقة
المقادير:
طريقة عمل مكرونة بالبشاميل- مكرونة اقلام
- زيت
- ملح
- كيلو لبن
- دقيق
- فلفل اسود
- مكعبين ماجى
- لحمة مفرومة
- بصلة كبيرة
- سمنة
- ورق لورو
- طماطماية مبشورة
- جبنة رومى
التحضير:
- اول حاجه هنجيب مكرونه اقلام ونجيب حله نملاها ميه و نحط معلقه ملح و معلقتين زيتواول ما تغلى نحط المكرونه
- و كل كام دقيقه نقلبهم براحه عشان متلزقش و تعجن
- نيجى للبشاميل
- بجيب كيلو لبن وكوبين مياه و بدوب تلات معالق كبيرة دقيق و بصفيها وانا بنزلها على اللبن و رشه فلفل
- اسمر ومكعبين الماجى و مبوقفش عن التقليب و يفضل بمضرب سلك عشان تمنعى اى تكتلات و اول ما يغلى
- كويس تطفى عليه تعصيج اللحمه هنبشر بصلايه كبيرة مع معلقه سمنه
- تصفر البصله ننزل باللحمه و ورق لورا و معلقه فلفل اسمر صغيره
- نبشر طمطماية كبيرة و نحطها على اللحمه و نسيبها تتسبك معاها و نطفى
الطبخ:
- هنجيب الصينيه ونحط طبقة مكرونه
- و بعد كده طبقه لحمه
- و طبقه مكرونه اخيرة
- نصب البشاميل عليها و نبشر جبنه تركى (رومى) و نفردها على وش الصينية تاخد نص ساعه فى الفرن و شها
- يحمر و تطلعيها
