طريقة عمل كبسة الفراخ بالارز البسمتي
المقادير:
- فراخ متقطعة اربع بعضمها وجلدها
- ارز بسمتى
- بصلتين وسط مقطعين مكعبات
- 2 طماطم كبيرة مقطعة مكعبات
- 2 ملعقة كبيرة صلصة
- بهارات 8 فصوص حبهان و 4 ورق لورا وملعقة كبيرة قرفة ونصف ملعقة كبيرة قرنفل و ربع ملعقة كبيرة كمون و رشة
- كزبرة ناشفة و 2 ليمون ناشف
- ملح وفلفل اسود
التحضير: طريقة عمل كبسة الفراخ بالارز البسمتي
- على فكلرة البهارات عندك بودرة او مصححة مش فارقة انتى ظبطى و طبعا المقادير تقريبية على حسب كمية الاكل
- ندخل على الطريقة و الصور حتبين نجيب الفراخ نقطعها اربع و نغسلها و نرش عليها شوية من البهارات اللى فوق
- و بعدين نجيب حلة و نحط فيها زيت او سمنة اللى انتى عايزاه و نحط البصل يتشوح يا دوب يصفر
- و بعدين نجيب الفراخ و نحطها على البصل بحيث الجلد يكون ملامس لقعر الحلة عشان يتحمر و ياخد لون
- و بعدين نحط البهارات كلها
- و بعدين نضيف الطماطم المتقطعة والصلصة
- نستنى حبة قليلة و نضيف الماية لحد ما الفراخ تتغطى و نغطى ونسبها تستوى
- تمام بعد ما الفراخ تستوى عشان اضمن ان الرز ميعجنش منى باعمله فى حلة لوحده و انا هنا زيادة منى زودت
- خطوة ممكن متعملهاش باخد حبة خضار مجمد مثلا بسلة وجزر و اشوحهم فى حبة زيت فى حلة الارز ده عشان
- ازود القيمة الغذائية للوجبة وخصوصا اللى عندها اطفال زى حالاتى
- فى الوقت ده تنقعى الرز البسمتى عشر دقايق او ربع ساعة
- و بعد ما شوحنا الخضار و المرقة اللى نزلت من الفراخ ببهارتها الحلوة سخنة فى الحلة بتاعتهت ناخد بنفس كوباية
- اللى احنا عايرنا بها الارز نعاير بها الشوربة انا عملت كوبايتين بسمتى و عليهم 3 كوب شوربة طبعا الطبيعى تاخدى
- الشوربة باللى فيها من بهارات صحيحة او طماطم وكده عشان رز الكبسة بيكون باين فيه الحاجات ده بس انا ابنى
- بيضايق من وجود ورق لورا او حبهان او اى حلجة فبصفيها و انا بعاير فى الكوب كده
- بس و بعد ما نحط المرقة على الخضار و ياخدوا غلوة ضيفى الرز المغسول طبعا و دوقى المرقة ممكن تزودى ملح
- وفلفل اسود شويه بسيطة وممكن رشة صغيرة من البهارات البودرة الى عندك زى القرفة والقرنفل حاجة بسيطة اوى
- بس و بالهنا و الشفا و فى الاخر ممكن تزوقى الطبق انك تحمرى شويه زبيب و صنوبر
- و واحدة تانية اه صحيح لو الفراخ مش متحمرة كويس ادهنى وشها صلصلة و دخليها الفرن لكن انا حمرتها من الاول
- كويس و محتجتش
