طريقة عمل فراخ كباب حلة
- نوع الوصفة: اطباق رئيسية
- محتوى الوصفة: دجاج و طيور
- درجة الصعوبة: سهلة
- الكمية تكفي: 4 أشخاص
- وقت التحضير: 20 دقيقة
- وقت الطهي: 30 دقيقة
المقادير:
طريقة عمل فراخ كباب حلة- 4 وراك فراخ
- بصلتين كبار مقطعين مكعبات كبيرة
- و ملح
- و فلفل
- و زيت
التحضير:
- طبعا بننضف الفراخ كويس جدا و نخليها زي الفل و نحط زيت في طاسة تيفال
- و نحمر الفراخ لحد ما تاخد اللون اللي في الصورة
- بعد كده بنخليها علي جنب و نرمي الزيت اللي حمرنا فيه و نغسل الطاسة و نحطها علي النار تاني
- نتبل الفراخ كويس بملح و فلفل و نحط نقطة زيت في الطاسة و نرجع الفراخ تاني فيها و نكتمها بغطا و نهدي النار
- عشان تستوي
- نسيت اقولكم هنخلي جلد الفراخ هو اللي لفوق عشان مش يلزق و تبقي قرعة
- لما تدخل في سوا نحط عليها البصل و نغطيها شوية و بعدين نرفع الفراخ بحيث يكون البصل هو اللي تحتها و
- نغطيها تاني لحد ما البصل يدبل شوية و تكون الفراخ استوت
الطبخ:
- و نعلي عليها النار شوية لو حابين نلسع البصل سنة و كده نطفي و خلاص الف هنا و شفا ده الشكل النهائي
