- نوع الوصفة: اطباق رئيسية
- محتوى الوصفة: معجنات
- درجة الصعوبة: متوسطة الصعوبة
- الكمية تكفي: 6 أشخاص
- وقت التحضير: 30 دقيقة
- وقت الطهي: 30 دقيقة
المقادير: طريقة عمل عيش كيزر ماكدونالدز
طريقة عمل عيش كيزر ماكدونالدز- نص كوب دقيق
- حوالى 5 ملاعق زبدة دافيه بس اوعوا تبقى سايحة
- نص معلقة سكر
- نص معلقة ملح
- ننص معلقة عسل ابيض و لو مش عندك يبقى زودى نص معلقة سكر كمان
- ( على فكرة فى ناس بتزود السكر فى العيش اوى و دى حاجة انا مش بحبها ابدا ابدا )
بيضه - نص كوباية لبن دافى مش بارد يعنى و لا ساقع
- نص كوباية بطاطس مسلوقة و مهروسة كويس جدا ( يعنى تسلقى بطاطساية مقشرة و
- تهرسيها و تملى بيها نص كوباية و خلى بالك اوعى تزودى الملح فى السلق لاننا هنحتاج المية بتاعة سلق البطاطس)
- نص كوباية مية سلق البطاطس
- ملعقتين وربع خميره
- لمسح الوش:
- بيضه
- ملعقة كبيره لبن
- سمسم للتزيين ( بس انا مكنش عندى بصراحة)
التحضير: طريقة عمل عيش كيزر ماكدونالدز
- هناخد البطاطس المهروسة و خلى بالكم انها لازم تبقى دافية اوعوا تحطوها سخنة هنضيف عليها
- البيضة و السكر و العسل و الزبدة الدافية و نعجنها كويس كويس
- بعدين هنضيف اللبن و مية البطاطس و نقلب كويس كويس برضه دلوقتى بقى هنخلط الدقيق بالخميرة
- بالملخ كله مع بعضه و نضيفه على الخليط هنا بقى نقف شوية
- لما نضيف المكونات الجافة هنلاحظ ان العجينة لسه سايلة شوية مننا او بمعنى اصح هنلاقى العجينة
- بتلزق فى ايدينا و دة مش بسبب انها عاوزة دقيق يا جماعة
- دة بسبب ان البطاطس المسلوقة مع مية البطاطس بتلزق العجينة فى ايدينا
- طيب هنعمل ايه دلوقتى يا ترى؟؟؟
- هقولك يا ستى تبلى ايدك دقيق و انتى بتعجنى
- و تاخدى العجينة على رخامة المطبخ بعد ما ترشى عليها دقيق بسيط و تبداى تعجنى بخفة شديدة و
- تبلى ايدك دقيق بس اوعى تضيفى للعجينة دقيق كتير لان مهما حطيتى دقيق العجينة هتلزق فى ايدك
- تبتدى تعجنى بالراحة خالص خالص خالص و بخفة و ترشى رشات دقيق خفيفة و لازم تستمرى فى
- العجن مش اقل من خمس دقايق
تمام كدة؟
الطبخ:طريقة عمل عيش كيزر ماكدونالدز
- دلوقتى اتكونت معاكى عجينة لينة جدا و ناعمة
- ادهنى بقى اناء غويط زيت و حطى فيه العجينة و طبعا تجرى بيها على مكان دافى جدا جدا ممكن
- تولعى الفرن شوية و لما يسخن تطفيه و تستنى دقيقتين و تحطى العجين بتسيبى العجين يخمر حوالى ساعة كاملة لغاية ما يتضاعف حجمه
- بعد ما يخمر العجين هترشى الرخامة شوية دقيق و تقلبى عليه العجينة
- اوعى تشيليها بايدك انا عاوزاكى تقلبيها علشان الهوا ما يطلعش منها هتبدأى بقى تقطعى العجين
- قطع صغيرة فى حجم العيش و بخفة شديدة نشكلها دواير دواير و نحطها على صاج مدهون زيت و
- نغطيها برضه و نسيبها تخمر تانى لمدة 40 دقيقة
خلاص كدة؟ - انا عارفة انكوا تعبتوا بس معلش اتحملوا قربنا خلاصزعلانة و باعيطزعلانة و باعيط
- المهم هنلاقى العيش خمر تانى يا قمرات و بقى اد حجمة مره و نص
- هتضربى بقى البيضة و اللبن و تدهنى بفرشاه بس بخفة شديدة علشان العيش بقى عامل زى البلونة
- دلوقتى و بعدين ترشى السمسم او حبة البركة على الوش و تدخليه الفرن لمدة 15 دقيقة (خلى بالك
- اوعى تنزلى لبن و بيض على الصينية احسان هتتحرق و تلزقلك العيش فى الصينيه )
- طبعا هتكونى مسخنة الفرن على درجة حرارة متوسطة و حطى الصينيه على الشبكة طبعا
- طريقة عمل عيش كيزر ماكدونالدز
