طريقة عمل صينيه بورى بصوص الليمون
- الكمية تكفي: 4 أشخاص
- وقت التحضير: 60 دقيقة
- وقت الطهي: 45 دقيقة
المقادير:
- سمك بوردى
- بصل وبطاطس وتوم وفلفل وطماطم كله ترانشات
- 8 لمونات حلوين معصورين
الطبخ:
- نحط كل المكونات المتقطعه ترانشات فى الصينيه
- ومعاهم فلفل اسود وملح وكمون
- ونفرشهم فى الصينيه
- والحشوه جوه السمك تكون عباره عن بصل وطماطم وتوم وبهارات ملح وفلفل وكمون
- ونفرش السمك
- ونبدا نرش عليه اللمون نرش اللمون ونسيبه شويه ودى خاصيه النقع
- احلى حاجه فى اللحوم والاسماك والفراخ خاصيه النقع التتبيله تكون موجوده فى الصنف ونسيبها تتشربه كويس
- بعد لما نسيبها كده حوالى نص ساعه او اكتر على حسب وقتك
- بنقلب السمك للجانب التانى
- ونحط شويه زيت اد نص كوب صغير زيت
- ونحطه على النار من فوق لحد ما يغلى وندخله الفرن عشان مش ياخد وقت كتير
- ونددخله الفرن على درجه 220
- فى الرف الثانى عشان البطاطس تستوى كويس طالما البطاطس استوت يبقى تمام البورى استوى
- ويقدم بالهنا والشفا
