طريقة عمل صينية بطاطس بالبرجر والصوص الابيض والجبن

طريقة عمل صينية بطاطس بالبرجر والصوص الابيض والجبن

المقادير:

• بطاطس
• صوص ابيض
• برجر
• جبن شيدر
• جبن رومى
• جبن فلمنك
• جبن موتزاريلا

التحضير:

• انا جيبت بطاطس عاديه وقشرتها وغسلتها كويس وقطعتها شرائح رفيعه وحطتها فى ميا وملح كده
• وبعدين عملت الصوص الابيض الجميل جدا والخفيف جدا
• عباره عن كوبايتين لبن وكوباية زبادى وملعقه كبيره نشا ونضربهم بالمضرب اليدوى
• كويس جدا ونظبط الملح بتاعهم ونحط كمان كمون وفلفل وممكن بدل الصوص دا كريمة طبخ ودا شكلهم
• وبعدين نجيب صينيه ونحط فيها قطعه صغننه نونو سمن بلدى ونحط نصف كمية البطاطس وعليها البرجر وعلى فكره البرجر
• دا برده انا اللى عملاه وموجود فى مواضيعى كله بيتى اهو مافيش حاجه من بره خالص
• ونحط باقى كمية البطاطس والصوص اللى عملته
• وممكن نحط بدل الصوص دا كريمه بس طبعا دا اوفر بكتير وطعمه جميل
• والصوص يغطى البطاطس عشان تستوى كويس لو احتاجت حطى لبن مش مشكله انا بعمل كده ودا شكله
• وحطيت جبن شيدر وفلامنك ورومى كل دا مبشور ونسيب الموتزريلا فى الاخر قبل ما نحمر الوش ……طبعا المتاح فى الجبن
• ممكن نحطه مش بنحط حاجه معينه بس طبعا الانواع دى كلها مع بعضها مع الصوص طعمها فووووق الوصف ودا شكله
• طريقة عمل صينية بطاطس بالبرجر والصوص الابيض والجبن

الطبخ:

• نشغل عليها النار لحد ما تدخل على السوا
• وبعدين لما تستوى من تحت هتاخد نص ساعه وممكن اكتر نطلعها من تحت ونرش عليها جبنه موتزريلا وبعدين
• ندخلها تحت الشوايه ودا الشكل النهائى للصينيه
• ايضا:
  

  طريقة عمل بطاطس بالسجق