طريقة عمل صدور فراخ بصوص الكارى والمستردة
- الكمية تكفي: 4 أشخاص
المقادير:
- نصف كيلو صدور فراخ مخلية
- معلقتين كبارزيت زيتون
- بصلة مفرومة
- فص توم مفروم
- كوب مرق
- معلقة دقيق
- ملح وفلفل اسود
- كارى( حسب الرغبة ) معلقتين صغيرين
- ماليانين مستردة
- نصف كوب كريمة سايلة
الطبخ: طريقة عمل صدور فراخ بصوص الكارى والمستردة
- نجيب مقلاة واسعة و نحط الزيت و بعدين البصل لحد ما يدبل شوية و يبقى شفاف
- و بعدين نحط التوم
- و نحط صدور الفراخ بتاعتنا و نتبلها بالملح و الفلفل
- اول ما تبيض نضيف الكارى
- و نقلب الصدور كويس لحد ما تحمر شوية
- نضيف بقى الدقيق
- و نقلبه كويس بحيث ان الفراخ تتغلف و الدقيق مش يبان
- نضيف بقى المرق انا ضفت هنا كوباية و أكتر لانى بحب الصوص و كنت عايزة الفراخ تتغطى بالمرق
- نقلب الفراخ مع المرق لحد ما يدوب الدقيق فى المرق خالص و نسيبه يغلى على نار هادية هنلاقيه بدأ يتقل
- و نغطى عليه و نسيبه لحد ما يستوى
- الصوص قل بس زى ما قلت لكم انا بحب الصوص ممكن تقللوا كمية المرق من البداية
- نجيب كوباية و نحط فيها نص كوباية الكريمة و المستردة اللى قوانا عليهم و نقلبهم كويس هتلاقيها بقت تقيلة
- نحطها بقى على الفراخ اللى استوت
- و نقلبها كويس
- و نسيبها على النار لحد ما تغلى و بعدين نوطى النار و نسيبها على نار هادية 5 دقايق
- و نطفى عليها و نقدمها
