طريقة عمل سمك فيليه بالصوص وارز بالجمبرى
- الكمية تكفي: 4 أشخاص
- وقت التحضير: 60 دقيقة
- وقت الطهي: 30 دقيقة
المقادير:
- سمكة كبيرة
- فصوص ثومب
- صل اخضر
- شبت وفلفل اخضر
- عصير ليمون
- رشة شطة خفيفة
- كمون
- كسبرة
- كارى
- ملح
- فلفل
التحضير:
- جايبة سمكة كبيرة
- وخليت بتاع السمك يعمل فيليه من السمكة
- ويخليلى الراس
- والراس هى اللى عملت بها الشوربة
طريقة عمل السمك الصيادية
الطبخ: طريقة عمل سمك فيليه بالصوص
- وتبلت الراس بالتتبيلة دى
- (فصوص ثوم وبصل اخضر وشبت وفلفل اخضر وعصير ليمون
- ورشة شطة خفيفة وكمون وكسبرة وكارى وملح وفلفل)
- وكلهم فى الكبة
- وقسمتها نصفين
- نصف لراس السمكة
- ونصف للفيليه
وجبت حلة وحطيت معلقتين زيت وشوحت راس السمكة فيها - مع مستكة وحبهان
- وبعدين زودت مياه سخنة وقطعت كرفس ومعلقتين عصير طماطم
- وسبتها تغلى وغطيتها ووطيت عشان تستوى ومش بتاخد وقت
- ونظبط الملح والفلفل
- وعملت الشوربة
- ثانيا ارز بالجمبرى
نشوح بصلة متقطعة صغير وبعدين فص ثوم مفروم
وبعدين نحط الجمبرى ونشوحه ونصب عليه عصير الطماطم والصلصة
ونسيبها تتسبك شوية
نضيف بصل اخضر وكسبرة مقطعين ونقلب ونحط الأرز
وبعدين شوربة السمك ونظبط الملح والفلفل - ثالثا السمك الفيليه
- المكونات
سمك فيليه النوع اللى بتحبوه
التتبيلة اللى شلتها على جنب قبل كده
ونتبل بها السمك ونحطه فى الثلاجة ساعة او ساعتين
عقبال ما نعمل الشوربة
ولما نطلعه من الثلاجة
بنجهز طاسة مدهونة بزيت خفيف
و نشوى السمك لغاية ما يستوى على الناحيتين
وده لما طلعته على جنب فى طبق - رابعا صوص الكريمة
بعمله قبل ما اقدم الغداء
حطيت فى الطاسة اللى شويت فيها السمك زبدة وزيت
وشوحت معلقة دقيق فى الزبدة والزيت
بعدين حطيت من شوربة السمك وقلبت وسبتها شوية على نار هادية
وبعدين حطيت الكريمة واللبن وظبطت الملح والفلفل وحطيت بودرة ثوم
وحطيت منه شوية على السمك والباقى فى طبق للى عايز يحط بنفسه - خامسا صوص التارتار
مايونيز
معلقة خل
خيار مخلل مقطع صغير جدا
بقدونس مقطع
ملح وفلفل
ونقلبهم مع بعض كويس ويقدم
ودى كانت طريقة عمل سمك فيليه بالصوص وارز بالجمبرى
