طريقة عمل بطاطس بيوريه مثل المطاعم

طريقة عمل بطاطس بيوريه

• الكمية تكفي: 4 أشخاص
• وقت التحضير: 30 دقيقة
• وقت الطهي: 30 دقيقة

المقادير:

• كيلو بطاطس
• نص كوبايه لبن
• معلقتين زبده
• نص كيلو لحمه متعصجه

التحضير:

• نسلق البطاطس ونهرسها كويس
  نضيف اللبن والزبده وملح وفلفل ونقلب كويس

الطبخ:

• نحط نص الكميه في صينيه مدهونه زبده واللحمه العصاج ونص الكميه التاني
  وتدخل الفرن

ملاحظات: طريقة عمل بطاطس بيوريه

• 1- تقشر وتقطع البطاطس حلقات قبل سلقها علشان نضمن انها كلها مسلوقه كويس و مايبقاش قلبها ني
• 2- ممكن وضع فصين توم مع سلق البطاطس بيدي ريحه ونكهه حلوه
• وطبعا اي اعشاب عطريه حاببينها زي الروز ماري او الزعتر او الريحان
• 3- ممنوع نهائيا منعا باتا ضرب البطاطس في الخلاط او بالميكسر او بالخفاقه او باي شئ الي
• لازم تتهرس بالشوكه
• لان البطاطس بتعمل عرق وبتمزلق
• وانا نبهت من الموضوع ده في البطاطس الكروكيت وناس برضه ضربتها في الكبه وجم يشتكوا
• ممكن بس الهراسه باتعه البطاطس المخرمه دي
• 4- البطاطس تتهرس وهي سخنه ماتتركنش خالص
• ونحط الزبده واللبن عليها برضه وهي سخنه علشان تندمج كويس
• 5- العصاج بصلصه او بدون زي ماتحبوا
• 6- ممكن نحط للبطاطس بيضه لكن بيضه واحده فقط لانهالما بتبرد بتجمد ووتبقي كتله واحده
• انا عن نفسي مش باحب البيض فيها لكن اللي خايفه تفك منها ممكن بيضايه مش مشكله
• 7- لازم نسيبها تهدي شويه قبل مانقطعها علشان تطلع خرط كده ومش تتفتفت
• 8- الوش علشان يتحمر كويس ويبقي حلو ممكن نحطله بيضه مضروبه مع شويه لبن او قشطه او زبده او سمنه او حتي معلقه بشامل فايض من عندنا