طريقة عمل الحمام الكداب بالفريك
- نوع الوصفة: اطباق رئيسية
- محتوى الوصفة: دجاج و طيور
- درجة الصعوبة: سهلة
- الكمية تكفي:10 أشخاص
- وقت التحضير:20 دقيقة
- وقت الطهي:60 دقيقة
المقادير:
- 10 قطع وراك
- فراخ مخليه من العضم
- 3 ثمرة كبيرة بصل
- 2 كوب فريك
- معلقة كبيرة ملح
- مقدار زيت ذره او سمنه بلدى
- مقدار بكرة خيط منجد
- مقدار ورق فويل
التحضير:-
- نتبل وراك الفراخ بالبصل والملح والفلفل قبلها بليله
- نفرم البصل فرم ناعم ونضيف عليه افريك المغسول والملح والفلفل والزيت او السمنه او الذبده
الطبخ: طريقة عمل الحمام الكداب بالفريك
- نبتدى حشو الفراخ بالفريك من داخل التجويف بتاع الدبوس
- بعدها ناخد جزء من الفريك حوالى معلقتين ونحطهم فى منتصف الدبوس
- نبتدى نلف الورك ونراعى ان الجلد يغطيه كله ونعمله على شكل اسطوانه
- نلفه كويس بالخيط
- نلفه فى ورق الفويل ونراعى ان طرف العضمه بتاعة الدبوس تبقى لبره
- نحكم الاقفال عليه بالورق الفويل
- بعدها نعمل ثقوب بالسكينه او فتحات صغيره لدخول الماء اثناء السلق
- نغلى مايه ونحط فيها بصله مبشوره بملح وفلفل ونبتدى نسقط الوراك المجهزه
- بعد ساعه من غليان المايه نبتدى نطلع الوراك ونراعى ان طرف العضمه يبقى لتحت علشان تتصفى الشوربه منها
- ونتركها تهدى من السخونه ونبتدى نفك من عليها الورق الفويل
- نبتدى نقليها فى الزيت
- وبعدها نفك من عليها الخيط ونقدمها مع فريك بالشعريه ونعمل على شوربتها احلى طبق ملوخيه
- وده شكلها فى طبق التقديم وهى مفتوحه من جوها والفريك مستوى ومفلفل والواحده بوحدتها ومش متعجن
