- نوع الوصفة: اطباق رئيسية
- محتوى الوصفة: عام
- درجة الصعوبة: سهلة جدا
المقادير:
- 8 بيضات
- علبة جبنه نستو يعني 8 مثلثات
- 3 مرق دجاج
- 3 فصوص توم
- ذرة (لعله) دي الي بيتعمل بيها المهلبيه الحمرا هتحطي شويه ضغننييين جدا جدا
- من 8-10 ملاعق دقيق
- تلات ارباع كوب زيت
- فلفل اسمر
- وممكن تحطي في الاخر بعد ما تصبيه في الصينيه
- قطع زيتون او فلفل اسود حب
- ما بيتحطش ملح
التحضير:
- هتضربي كله في الخلاط ما عدا الدقيق
- تضربي كتير
- وبعد كده تحطي الدقيق ملعقه ملعقه في الخلاط مع الخليط
الطبخ:
- جهزي حمام ميه
- يعني تحطي ميه ولما تغلي
- تصبي الخليط في صينيه تيفال الي ليها فتحه من النص
- عشان يجيلك الانشون دائري وتقطعيه دواير
- لو ما عندكيش مش مشكله ممكن في اي صينيه وقطعيه بأي شكل
- المهم تحطي الصينيه في حمام الميه لمدة ساعه كامله
- تغطي عليه بس بحذر
- اهم حاجه الخليط ما يجيش عليه ميه
- ولو الساعه عدت والخليط من ع الوش ما نشفش
- شيلي الصينيه
- واقلبي الخليط في الصينيه يعني الطبقه الي فوق تبقى تحت
- وارجعي حطيه في حمام الميه شويه
- هتلاقيه استوا
- وبعدها دوقي احلا لانشون
