طريقة عمل يالنجي ورق عنب
- نوع الوصفة: اطباق رئيسية
- محتوى الوصفة: عام
- درجة الصعوبة: سهلة
- خصائص: سريعة التحضير سعرات حرارية قليلة محببة للاطفال
- الكمية تكفي: 6 أشخاص
- وقت التحضير: 60 دقيقة
- وقت الطهي: 75 دقيقة
1. المقادير:
طريقة عمل يالنجي ورق عنب- ورق عنب كيلو
- رز كيلو
- بقدونس 3 باقات
- بندورة تقريبا نص كيلو
- بصل خمس بصلات ويكونو كبار
- زيت زيتون
- عصير ليمون تقريبا 3 حبات
- دبس رمان كاسة شاي صغيرة
- ملح * فلفل * قرفة * فليفلة حمرا * ورشة قهوة كمان طبعا كلو رشة رشة على الماشي
2. التحضير:
- نبدأ بعمل الحشوة بخلط الرز المنقوع والمصفى مع البقدونس المقطع ناعم والبندورة المقطعة ناعمة كمان والبصل
- يلي دبلتو بشوية زيت زيتون على النار و الليمون والبهارات كلها والزيت ودبس الرمان وهيك بتكون الحشوة جاهزة لحتى بلش لف اليبرأ
- وطريقة اللف لازم تكون البيرأقة تخينة هيك اصولها
- من بعد ما بخلص لفهم كلهم برصهم بالطنجرة والمي يلي طلعت من الحشوة بصفيها عليهم لانها كلها حمض وزيت
- وبضيف عليهم مي لحتى ينغمرو ومع رشة ملح وبتقلهم بتقلة لحتى ما يفتحو
3. الطبخ:
- وبتركهم على النار لمدة ساعة وربع تقريبا على نار وسط
4. ملاحظات:
- وهيك بتكون جاهزة بصفي المرقة يلي عليها وبصفهم بالجاط وصحة والف هنا وبتتأكل باردة وسخنة طيبة
