المقادير:

نص كيلو لحمة متقطعة مكعبات صغنونة
3 بطاطسات متقطعة مكعبات
بصلاية كبيرة متقطعة شرايح
فلفلاية خضرا
5 فصوص توم كبار ومفرومين لو بتحبوه يبان في الاكل قطعوه شرايح
حزمة كسبرة خضرا مفرومة بالسكينة
تقريبا 6 فصوص حبهان بس تفتحوا الحباية شوية عشان ريحتها تطلع…بتدي ريحة جميلة للحمة
ملح وفلفل أسود
شوية زيت ذرة
ورقة زبدة مبلولة مية وورقة ألومنيوم

التحضير:

أول حاجة هنقطع اللحمة والبطاطس مكعبات ونقطع عليهم البصل شرايح والفلفل نقطعه حسب الرغبه انا قطعته
صغير ونقطع عليه الكسبرة الخضرا ونحط عليها التوم المفروم أو المتقطع شرايح ونحط الملح والفلفل الأسود
والحبهان اللي احنا فاتحينه سنه عشان ريحته بتدي للأكلة ده طعم وريحة جميلة ونضيف كمان معاهم الزيت ونخلط
كله مع بعضه كويس عشان الملح والفلفل يتوزعوا على الكل
بعد ما حطينا الخليط بتاع اللحمة والخضروات هنغطيه بزوائد ورق الزبدة…عشان كده قلتلكم تبأة كبيرة
ونغلف الكل كويس جدا بباقي ورق الألومنيوم
طريقة عمل ورقة اللحم

وندخل الصينية الفرن على درجة حرارة 200
لحد ما تستوي .ممكن تاخد ساعة ساعة ونص
على حسب الفرن بتاع كل واحدة
عموما طلعوها بعد ساعة ونص وشوفوها إذا كانت استوت ولا لأ
أنا بأه عن نفسي كنت مكسلة جدا وعايزة أقعد على الكمبيوتر فسبتها ساعتين مع نفسها كده
وكانت درجة السوى بتاعتها
طريقة عمل ورقة لحمة سهلة

ملاحظة: لازم الفرن يبأة متسخن عشان الحاجة تستوي بسرعة
هنجيب الصينية اللي هنعمل فيها…أي صينية عندك أنا استخدمت البيركس
وهنبطنها بورقة ألومنيوم بس تكون كبيرة شوية عشان هنغلف اللحمة بيها بعد ما هنحطها في الصينية
بعد ما بطننا الصينية بالألومنيوم هنحط فوق الألومنيوم و رقة زبدة مبلولة وتكون مجوز وكبيرة برضه أكبر من الصينية

0/5 (0 Reviews)