طريقة عمل مكرونة بالبشاميل بالتفصيل
- الكمية تكفي: 4 أشخاص
- وقت التحضير: 30 دقيقة
- وقت الطهي: 30 دقيقة
المقادير:
- مكرونة
- لحمة مفرومة
- بصل
- توم
- سمنة بلدى
- طماطم
- زبدة
- دقيق
- لبن
- جبنة سايلة
- جبنة موتزاريلا
- توم بودرة
التحضير: طريقة عمل مكرونة بالبشاميل بالتفصيل
- اول حاجه هنسلق المكرونه في مايه بتغلي عليها معلقه زيت وملح ونصفيها ومنغسلهاش نسيبها زي ماهي
- بعد كده هنحضر العصاج وانا بحب اخلط البصل والتوم المفرومين علي اللحمه كويس وعليهم حته سمنه بلدي حلوه
- كده ومكعب مرقه دجاج وملح وفلفل اسود وشطه بودره وحبهان بودر ومعلقه صغيره صلصه او معلقه كبيره بشر طماطم بيدي طعم
- بعد كده احضر الباشاميل وركزو بقي كويس اوي انا اصلا متميزه بالباشاميل بتاعي
- هنجيب 3 معالق كبيره زبده ومعلقتين كبار زيت ذره ونخلطهم ب 5 معالق مليانه دقيق ونسوي الدقيق لغايه
- ريحته الحلوه ماتطلع نحط عليه لتر حليب دافي ونقلب كويس بمضرب سلك ومش هيكلكع ابدا
- حطي بقي معلقتين جبنه سايله مليانين و5 معالق جبنه موزريلا مبشوره ناعم ومعلقتين قشطه صدقوني بيخلو
- الباشاميل غني وتحفه في الطعم .. وبحط كمان بودر توم بيدي طعم حكايه وساعات بحط مكعب مرقه دجاج ورشه ملح
- تمام اول مايبتدي يعمل فقاقيع كده معناه استوي دقيقه وتطفي النار ويبقي جاهز نسيبه يبرد شويه ونكسر عليه
- بيضه ونقلب كويس اوي
- هنبطن الطاجن او صينيه بايركس بمعلقتين باشاميل
الطبخ: طريقة عمل مكرونة بالبشاميل بالتفصيل
- ونحط المكرونه كلها المخلوطه بنص كميه الباشاميل وبعدين علي الوش نحط اللحمه المتعصجه ونفردها وبعدين نحط بقيه الباشاميل
بصو بقي انا علي الوش بحب احط معلقتين قشطه كبار مع الباشاميل علشان تدي وش حلو
بدخلها الفرن ومش بتاخد وقت كتير وبعدين الشوايه كام دقيقه تاخد احلي وش
