طريقة عمل معجنات الذ من اى ساندوتشات
- الكمية تكفي: 4 أشخاص
- وقت التحضير: 30 دقيقة
- وقت الطهي: 30 دقيقة
المقادير:
- 3 كوب دقيق فاخر
- 1/4 كوب سكر
- 1/4 كوب زيت
- 1كوب ماء دافئ او اكتر
- 3 م ك حليب مجفف
- 1م ك خميره فوريه
- 1م ص pb
- رشة ملح
- حبهان ناعم لو للسينابون زى الصورة
التحضير: طريقة عمل معجنات
- لو عندك خميرة بيره او خميرة فوريه خشنه يبقى لازم تدوبيها الاول مع ماء ومعلقه سكر
- اما الخميرة الفوريه الناعمة تضاف مباشرة للدقيق وباقى المكونات
- نخلط كل المكونات ويضاف الماء الدافئ بالتدريج مع استمرار العجن حتى تصبح عجينه لينه وملساء – تترك لتخمر وترتاح
- بعد ما خمرت كويس نضغط عليها ونطلع منها الهوا ونعجنها تانى كويس جدا
- نقسم العجينه ل 3 اقسام
- نفرد اول جزء بالنشابه على رشة دقيق وفوقها دقيق خفيف ونقطعها شرائط طوليه بالشكل ده
- ندهن بالكيرى ونضع شرائح اللانشون (انا عارفه انه مش كويس بس تغيير)
- هنا بدون جبنه -لانشون فقط
- نلفها رول ولازم يكون اللانشون على الحروف كده عشان مش يختفى وسط العجينه لما تخمر
- وهيبقى شكلها كده زى السينابون او الورده
- ونفس الفكرة بس بالجبنه الرومى ( وبرضه مصورتش بعد ما لفيتها) بس صورتها ف الاخر
- وهنا باتيه بالجبنه الرومى
- الجزء التانى هنفرده ونقطع بالكوب او القطاعه دواير
- مهم جدا ان العجينه تكون عاليه عشان تكون طريه اكتر بعد الخبز وده لاى معجنات
- تقريبا فى سمك القطايف
- هنعمل فطاير جبنه ونحط معلقه جبنه ونغطيها بقطعه تانيه من العجين ونقفلها بالشوكة
- وهنا كمان بالجبنه الكيرى بس هنقفلها زى القطايف بالطول لنصفها فقط
- وبعدين بالعرض
الطبخ: طريقة عمل معجنات
- ندهن فطائر الجبنه بالبيض وعليها حبة البركة او السمسم ونسيبها تخمر وندخلها الفرن
- الساخن حتى النضج وتكون ذهبية اللون
- هنا فيه نوعين كمان نسيت اصورهم
- نفس فكرة الورده بس بجبنه كيرى كريميه او جبنه سائله (اكواب)والتانيه زى القطايف فى الشكل زى الصورة اهى
