- نوع الوصفة:اطباق رئيسية
- محتوى الوصفة:عام
- درجة الصعوبة:سهلة جدا
المقادير:
طريقة عمل محشى ورق عنب وكوسة- ورق عنب
- كوسة
- سمنة
- بصلتيين
- شطة
- طماطم
- ملح
- فلفل اسود
- كمون
- رز
- خضرة
التحضير: طريقة عمل محشى ورق عنب وكوسة
- اول حاجة هجيب ورق العنب واسلقه هرتبه كل كام ورقة مع بعض زى الصورة كدة
- وبعدين هكون غليت المية بحبة ملح صغيرين على النار عشان اسلق فيها ورق العنب
- بحط ورق العنب فى المية يادوبك لونه يغير والاقيه طرى واشيله على طول زى كدة
- بعد ما اخلص سلق ورق العنب كله اشطفه بمية ساقعة وبكدة يكون ورق العنب جاهز عندنا زى كدة
- نيجى بقى للكوسة هنقورها ونغسلها فى ناس بتقشرها بالسكينة او المقورة بس انا بعملها بحالها كدة
- وبعد كدة هقوم اعمل الخلطة بقى وهى عبارة عن سمنة +3 معالق زيت عشان الرز يبقى مفلفل وجميل
- +وبصلتيين متوسطيين وعلى النار زى الصورة كدة وانا حطيت معاهم نص معلقة شطة حمرا مفرومة مش هتبقى
- حراقة اوى بس طعم المحشى هيبقى حلو وعلى النار زى ما قولنا
- نسيب الكلام دة كله على النار ياخد ويدى مع بعضه زى الصورة كدة هو اللون طبعا مدى على احمر عشان الشطة الحمرا
- بعد كدة على الخلاط ونعصر الطماطم واول ما البصل يصفر كدة نضيف الطماطم بتاعتنا على طول
- ونخلى حبة طماطم من الى احنا عصرناها اوعى تنسى انا بنبه اهو وعشان ما تنسيش خدى الصورة دى شان تفتكرى
- بعد كدة هنضيف الملح والفلفل والكمون للخلطة ونسيبها بقى تتسبك التسبيكة التمام وتبقى كدة
- 1/هننقى الرز ونغسله
- 2/فاكريين الخلطة هنضيفها على الرز
- ملحوظة /هنخلة حبة من الخلطة كدة على جنب زى الصورة كدة وهقولكوا هنستعملها فى ايه
- 3/بعد كدة نضيف الخضرة على الرز وانا كان عندى خضرة فى الفريزر وهى عبارة عن شبت وبقدونس وكسبرة
- ونقلب وندوق الرز ليكون محتاج ملح ولا حاجة وعموما مش هيحتاج عشان احنا يا حلويين حاطيين على الخلطة
- 4/نحضر كل الحاجات قدامنا الرز وورق العنب والكوسة ونبدا الحشو
- قبل ما نبتدى نحشى نروح على النار ونحط مية تغلى وفيها بصلة وملح وفلفل ودى الاضافات الاساسية ونسقط
- فيها الفراخ و اثناء ا احنا بنحشى الفراخ هتتسلق عشان نكسب وقت وانا هنا كنت خلاص سلقت الفراخ وكان
- عندى شوربة كمان فى الفريز
الطبخ: طريقة عمل محشى ورق عنب وكوسة
- بعد كدة هناخد الكوسة وورق العنب والرز ونبتدى نحشى انا ما صورتش المحشى وانا بحشيه لانى معرفتش والله
- كنت هبهدل الموبايل وابهدل نفسى ومش هعرف اصور برضو وفى بنات كتير ما شاء الله عليهم عملين مواضيع عن
- ازاى نحشى ورق العنب ودى صورة للكوسة بعد ما حشيتها هى وورق العنب
بالنسبة للكوسة بقى انا هعملها فى صنية فى الفرن - وورق العنب هنزودة الشوربة برضو وعلى النار ولما يغلى نوطى عليه ولو تقلبى طبق عليه يبقى احسن عشان م
- يعمشى فى الشوربة ويفك فى الحلة
- ولازم الطبق يبقى من النوع الى بيستحمب الحرارة عشان ما يتكسرش فى الحلة
- بعد كدة يا بنات طلعت الكوسة من الفرن وقلبتهم واحدة واحدة عشان تستوى كل واحدة منهم كويس
- وطلعت لفراخ واتحمرت كويس من الطماطم الى كانت عليها
- طريقة عمل محشى ورق عنب وكوسة
