طريقة عمل لازانيا احلى واسرع واخف واوفر لازانيا
- الكمية تكفي: 4 أشخاص
- وقت التحضير: 30 دقيقة
- وقت الطهي: 60 دقيقة
المقادير: طريقة عمل لازانيا
- 2 كوب دقيق منخول
- 1 كوب حليب
- 1 كوب مية
- 3 بيضة
- 4 معالق زبدة سائلة
- ربع معلقة ملح
- كوب حليب
- 1 كوب شوربة محترمة
- 4 م ك دقيق
- 2 قطعة جبن مثلثات او شيدر المتوفر
- 1 علبة قشطة 170 ملي او وش اللبن
- فلفل اسود
- ملح
- نص كيلو صدور مفروم او لحم
- نص كيلو بصل
- 2 م ك زبدة او سمنة او زيت
- ربع كيلو فلفل حلو مفروم
- قرت فلفل حار لو بتحبي الحار
- 2 طماطم متوسطة مقطعة او 2 م ك صلصة
- ملح
- توابلك المفضلة
التحضير: طريقة عمل لازانيا
- اولا استخدمت دورق الخلاط وضعت كل السوائلو خفقت خفقتين
- عشان يحصل تجانس
- و بدأت اضيف الدقيق بردو في الدورق
- لحد ما خلص و وصل قوامه كده عشان تبقي شغالة صح
- صفيه بالمصفا
- و سيبيه يرتاح
- انا سبته مده عمل البشاميل
- مبدئيا كل كوب حليب محتاج معلقة دقيق تمسكه
- بس انا هنا قللت معلقة عشان بشاميل اللزانيا و الكريب لازم يكون خفيف نوعا ما اولا هتجيبي حلة قاعها سميك و
- مضرب بيض يدوي و تغلي السوائل ( الحليب و الشوربة )
- ثانيا هتحطي الحلة علي النار و الدقيق و تقلبي لحد ما الدقيق يسخن معاكي جدا بس خدي بالك اوعي تحرقيه و
- تبوظي الدنيا
- لما الدقيق يسخن
- انزلي بالسوائل السخنة نار مع الجبنة
- و بسرعة
- جدا خليكي خفيفة
- قلبي بالمضرب اليدوي بسرعة اوعي تخافي
هتلاقي - حصل فقاعات هوا
- ايوا انتي كده تمام هو ده المطلوب البشاميل تقل و قوامه روعة
- انزلي بعلبة القشطة
- و فلفل اسود
- بعشقه مع البشاميل اكتر من الفلفل الابيض
- و ظبطي ملحك
- الصور توضح اكتر
- نسيبه يرتاح
- و نرجع للكريب تاني
- نجيب طاسة تيفال يفضل تكون كبيرة عشان ما تاخدي وقت في العمايل
- و نمسحها مسحة زيت خفيفة جدا
- و نسخنها جدا جدا و بعدين نهدي النار
- انا عن نفسي استخدمت طبق نونو عندي عشان اخد بيه مقدار من الكريب عشان مش عندي كبشه زعلانة و
- باعيط اصلي في غربة و مطبخي محدود شوية
- الحمد لله طبعا علي كل شيء
- و تنزلي بمقدار من عجينة الكريب بس حاولي تخليه رقيق علي اد ما تقدري
الطبخ: طريقة عمل لازانيا
- بلاش تقلبيه
- علي النار
- اول ما يمسك نفسه
- علي طبق مسطوح و حطيه و طيه بقطعة قماشة نضيفة عشان يفضل طري و انتهجي الطريقة دي لحد ما تخلصي
- انا عملت بفضل الله تقريبا 9 كريبات كبار
- ندخل علي العصاج و طريقته و مقاديرة
- اولا هنسخن الزبدة سنة و ننزل بالبصل اول ما يبقي لونه شفاف ننزل باللحم و نتركه حتي يتغير لونه ثم نضيف
- الفلفل الحلو و الحار و الطماطم او الصلصة و نتركه علي نار هادئة حتي يم النضح
- انا عن نفسي بفضل اضيف
- قرفة بتدي اللحوم طعم روعة
- فلفل اسود
- هيل
- و الملح في الاخير خالص
- ليه بقي يا سكر عشان اللحمة تكون مفرفرة
- شايفين لو البصل شفاف ازاي عشان عاوزة طعمه واضح
- نبدأ نركب الصواني بقي
- محتاجين جبن رومي مفري
- موزاريلا
- صوص طماطم خفيف بتومه بس انا كسلت استخدمت كاتشاب كان ضهري وجعني قلت كده كتير
- نسمي بالرحمن
اولا نبطن الصنية كلها بشاميل و في الختام بشاميل فقط - انا بفضل الله عملت معايا صنيتين يكفونا يومين ان شاء الله احنا 4 افراد
- يعني لو عندك عزومة هتكون تحفة ان شاء الله
- ندخلها الفرن علي درجة حرارة 200 تقريبا بتاخد من نص ساعة الي ساعة الا ربع
- و بنطلعها قرب السوي و نرش رشة موزاريلا
- او كريمة لباني
- او قشطة
- او زبدة
- او صفار بيض مع نقطتين خل و فلفل اسود
- او رشة بقسماط
- اهو ملكيش حجة
- انا هنا كتبت كلمة بالكاتشاب بس راحت في النهاية اوبمعني اصح محدش شافها انتو عارفين بقي
- الواحد لما يكون صايم
ملاحظات: طريقة عمل لازانيا
- في الاخير عندي ملحوظة حابة انك تاخدي بالك منها
- انه طبق النهاردة مركب من اكتر من مكون
- كريب
- عصاج
- بشاميل
- صوص طماطم
- انتبهي لملح كل منهم علي حده
- طريقة عمل لازانيا
