طريقة عمل كيك الكروكان
طريقة عمل كيك الكروكان
2 علبه قشطة وزن العلبه 170جم انا استخدمت قشطة وش اللبن # 2 علبه كريم كراميل # 2 كيس كريم شانتى # بسكوت شاى # كاكاو # لبن # لوز حب # سكر
- بالنسبه لكروكان بحط اللوزة والسمر مع بعض ع النار تقريبا نص كوب لوز مع 2 م ك سكر واهدى النار لحد السكر مايقلب كراميل ويلزق فى اللوزة نفرده على وزق زبده لحد ماينشف وبعدين نطحنه خشن فى المطحنه
هو بصراحه طعمه حلو جدا يتاكل لوحده من غير حاجةالكيك الكريمى بقى
نخلط الكاكو باللبن ونغطس فيه البسكوت ونرصه فى قاع صينيه بس انا حطيته فى اطباق منفرده
فى الخلاط نضرب الكريم شانتى مع كوب لبن والقشطة والكريم كراميل والكراميل اللى مع علبه الكريم كلاراميل كمان
نصب جزء من الخليط فوق طبقه البسكوت ثم حيه كروكان وندخله الفريز ربع ساعه يجمد
- نكرر العمليه تانى جزء منالخليط ورشه كروكان وهدذا لحد انتهاء القالب
وندخله الفريزر تانى لحد مايجمد ويمكس نفسه وومكن الاحتفاظ بيه فى التلاجه لانه هيبقى تقيل مش هيفك ولا يسيح لو اتحط خارج الفريزر
قدمته مع عصير فراوله وبجد طعمه حلو جدا كل قطمه معاه قطعه كروكان كان تحفه
- وع الوصفة:حلويات
- محتوى الوصفة:عام
- درجة الصعوبة:سهلة جدا
- خصائص:سريعة التحضير
