طريقة عمل كيكه الوان
- نوع الوصفة: اطباق رئيسية
- محتوى الوصفة: عام
- درجة الصعوبة: سهلة جدا
- خصائص: سريعة التحضير
- الكمية تكفي: 8 أشخاص
- وقت التحضير: 15 دقيقة
- وقت الطهي: 35 دقيقة
المقادير:
طريقة عمل كيكه الوان- 1- كوبايه ونصف سكر سنترفيش
- 2-كوبايه زيت
- 3- 5 بيضات حجم كبير
- 4- كيس بيكنج باودر
- 5-كيس فانيليا+تمن ملعقه نسكافيه +2 ملعقه خل كل ده نضيفه على البيض عشان ريحه الزفاره
- 6-كوب لبن
- 7-باكو جيلى فراوله+كاكاو خام دول بقه عشان اللون
- 8-دقيق حوالى 3كوب أو أكتر شويه وماننساش رشه الملح عشان الطعم
التحضير:
- أول حاجه نسخن الفرن على درجه حراره 200 وبعدين نبطن الصينيه بسمنه وبعدين رشه دقيق
- بعد كده نحط كل المقادير فى الكيتشن ماشين لغايه مايتجانسو ماعدا الجيلى والكاكاو
- بعد كده نقسم الخليط 3 أقسام
- جزء نضع عليه جلى الفراوله ومميزاته انه بيعطى لون ومعاه ريحة الفراوله اللى تجنن
- والجزى التانى نضع عليه الكاكاو ولو حسينا انه بقى تقيل ممكن نحط معلقه ميه عشان السمك بتاعه يبقى مظبوط
- وبعدين نصب الخليط فى الصينيه خطوط أو دواير اللى ييجى معانا وربنا يسهل
الطبخ:
- وندخلها الفرن لما تستوى
- دى صوره بعد ما أستوت وطلعت من الفرن وبردت
