طريقة عمل كفتة اللحمة المفرومة بالبطاطس
- الكمية تكفي: 4 أشخاص
- وقت التحضير: 30 دقيقة
- وقت الطهي: 30 دقيقة
1. المقادير:
- لحمة مفرومه ( أنا فرمت 3/4 كيلو) ـ
- بصل ـ
- 4 حبات بطاطس ـ
- كيلو طماطم معصورة ومتصفية ـ
- ملح
- وفلفل
- وبهارات كفتة ـ
- توم مفروم ـ
- شبت وكسبرة خضرا ـ
- ملعقة كبيرة دقيق ـ
- زيت للقلى.
2. التحضير:
- بشرت البصل ناعم وضفته على اللحمة المفرومة
- وبعد كده حطيت شبت وكسبرة خضرا
- وملح وفلفل وبهارات كفتة
- ضفت كمان توم مفروم أو مهروس (بالهون)
- وضفت ملعقة كبيرة دقيق علشان يتماسك وقلبته كويس لحد ما بقى متجانس مع بعض
- سيبته فى الثلاجة ساعتين وبعدين صبعتها وقليتها فى الزيت ( على نار هادية جداااااا)
- وسيبت الكفتة على جنب لحد مأجهز التسبيكة
- قطعت البطاطس وبعد كده قطعت بصلة متوسطة علشان أعمل تسبيكة
3. الطبخ: طريقة عمل كفتة اللحمة المفرومة بالبطاطس
- شوحتها لحد مابدأت تاخد لون وضفت 3 فصوص توم مهروسين على البصل وشوحتهم ( ياسلام ع الريحة ) بس
- بحطه بعد البصل مياخد لون علشان الثوم بيحمر بسرعة
- وبعد كده ضفت البطاطس المقطعة وقلبتها دقيقة مع الثوم والبصل
- وبعدين ضفت الطماطم وغطيت وسيبتها تقلب
- ولما تبدأ الصلصة تتسبك وبتكون البطاطس استوت خلاص بس الصلصة متكنش نشفت علشان لسة الكفتة
- هتشرب منها ضفت الكفتة وغطيت 5 دقايق
- هنا بأه طفيت النار وغرفتها فى حلل صاج
- طريقة عمل كفتة اللحمة المفرومة بالبطاطس
