طريقة عمل كفتة الارز فتكات
- الكمية تكفي: 4 أشخاص
- وقت التحضير: 15 دقيقة
- وقت الطهي: 30 دقيقة
المقادير: طريقة عمل كفتة الارز فتكات
- لحم مفروم
- رز ( نص كليو اللحمه عليه كوبايه ونص رز )
- بقدونس ربطه كده
- ونص قرن فلفل اخضر دي اضافه من عندي عشان بحب ريحه الفلفل في كل حاجه وممكن تستغني عنها
- بصله كبيره
- 4 فصوص ثوم
- ملح وفلفل اسود
- شويه كمون صغيره
- طريقة عمل كفتة الارز فتكات
التحضير:
- نغسل الرز ونصفيه كويس اوووي وسيبه ينشف من مايته تماما وبعد كده بطحنه ناعم كويس اوووي في مطحنه الخلاط ..
- بقطع البقدونس كبير عادي والبصل والتوم والفلفل الاخضر واضيفهم علي الرز المطحون ..
- اضيف اللحمه المفرومه والملح والفلفل الاسود …
- واقلب كله مع بعضه بالشكل ده ..
- ودي الكبه بتاعتي ..
- نبتدي نحط كميه مناسبه بس مش كتير عشان تنعم معاكي كويس ..
- وهنا كمان انا بحطها علي اعلي سرعه عندي واستمر في الفرم لحد ما تلم معاكي زي الكوره علي بعضها ..
- هنا خلاص بقت جاهزه شوفوا لمت ازاي وكمان ناعمه خالص اهي ..
- انا باخد الكميه الي هعملها والباقي بحطه في اكياس وفي الفريز وتفضل عندك زي ماهي ووقت ما تحبي خرجيها
- تفك وتستخدميها علي طول ونفس النتيجه ..
- نيجي بقه نشكلها ممكن صوابع زي ما تحبي او كور بس الاول تبلي ايديكي زيت عشان تتطلع معاكي ناعمه ..
- وفي زيت حار تحمريها لحد ما تاخد اللون الدهبي ..
- هنا خلاص احمرت اهي وطلعتها علي مناديل عشان الزيت ..
- نيجي بقه لطريقه الطبخ زي طريقه امي حبيبتي ..
- 3 فصوص توم مفرومه ناعم ونحطيهم مع حته سمن لحد ما تحمر ..
- وننزل عليها بالطماطم بتاعتي المضروبه في الخلاط ونحط الملح والفلفل الاسود وانا بصراحه مش بحب احط معاها اي توابل تانيه ..
- نسيب الطماطم بتاعتنا تغلي بس غلوتين كده ..
- وننزل عليها بالكفته بتاعتي
- طريقة عمل كفتة الارز فتكات
الطبخ:
- واسيبها لحد ما تتسبك معايا خالص شوفوا الحجم بتاعها بيزيد ازاي ..
- وبعد كده نحط عليها شويه مايه مغليه تكمل سواها وخالوا بالكم بتاخد سوي شويه .ولما توصل لنص سوي قشرت
- بطاطس حبيتين كده …
- وحطيها عليها لو تحبي فيه ناس بتاكلها من غير بطاطس خالص علي حسب ما كل واحد ما تعود بس بصراحه
- بتكون تحفففه كده ونسيبهم يستووا مع بعض
