طريقة عمل قالب اللحمه المفرومه
المقادير:
- نص كيلو لحم مفروم
- كوبايه فلفل اخضر يعني حوالي اربع فلفل _ كوباية بصل مفروم _ واحد جزره _ حزمة بقدونس او شبت زي ماتحبي
- نص كوباية رز مغسول ومطحون خشن
- ربع كوباية جبنه رومي وممكن شيدر
- ودي الاضافه الجديده
- كوباية عصير طماطم
- عدد 2 بيضه
- ملح
- فلفل وبهارات
- 2م كبيره زيت
- و2 م كبيره طحينه لدهن القالب وبيدي طعم جميل
التحضير:
- حنحط الزيت علي النار ونبدا نشوح البصل وبعدين الفلفل والجزر ونسيت اقولكم انا بحط كمان فصين توم مطحونين
- حنقلب لمدة 10 دقايق لحد مالخليط يدبل ونطفي النار ونسيبه يبرد شويه
- حناخد اللحمه المفرومه وباقي المكونات ونضيفهم علي بعض ونخلطهم كويس
- وبعد مايبرد البصل مع الجزر والفلفل حنضيفهم لخليط اللحمه
- ونخلطهم تاني
- احطيتها في القالب ورشيت عليها شوية جبنه
- حنحطها في فرن متوسط الحراره وبتاخد سوي حوالي ساعه او لحد ماتستوي كل واحده وحسب فرنها طبعا
- ودي بعد ماطلعت وبردت شويه وقلبتها وقطعتها
