طريقة عمل فطيرة بالفراخ والخضروات
- الكمية تكفي: 4 أشخاص
- وقت التحضير: 30 دقيقة
- وقت الطهي: 40 دقيقة
المقادير:
- 3 كوب دقيق
- 2 معلقة كبيرة سكر
- 1/2 معلقة صغيرة بيكنج بودر
- معلقة كبيرة خميرة
- لبن دافئ للعجن
- ربع كوب زيت
- معلقة صغيرة ملح
- صدور فراخ قطع
- فلفل الوان
- شرايح بصلة
- فص توم كبير
- زعتر
- رشة قرفة
- ملح
- وفلفل
- بسلة وجزر مسلوقين
التحضير:
- تخلط المكونات كلها وتعجن باللبن الدافئ واحدة واحدة حتي نلم العجينة ونعجنها كويس 2 دقيقة
- ثم تغطي بكيس وفوطة وتخمر في فرن دافئ
- وده شكلها بعد التخمر يلا نجهز الحشو معلقة واحدة سمن ونسخن الطاسة جدا وننزل بالفراخ حتي تتحمرزي كده
- ونضع عليها رشة زعتر وملح وفلفل ثم قطع البصل و2 فص ثوم والفلفل الرومي
- ثم نسلق البسلة والجزر مع معلقة صغيرة سكر
- ثم بعد التسوية تملح مع الفلفل الاسمر
- ونخلطها مع الفراخ زي الصورة ولازم نملحها كويس واي سائل من الحشو نرشه بعد الحشو علي الفطيرة
- بالنسبة للعجينة نقطعها اربعة بالسكينة زي كده
- ثم نفرد قطعة بالنشابة ونفردها في الصينية
- ثم نضع الخضار والسائل من الخضار نرشه عليه وعليها رشة جبنة شيدر ورومي او موتزاريلا ونفرد الجزء
- التاني ونضعه بالنشابة زي كده ونضغط علي الاطراف جيدا ثم ندهن الوجه بيض ونتركها ربع ساعة ترفع تاني زي كده
الطبخ: طريقة عمل فطيرة بالفراخ والخضروات
- ثم نسخن الفرن علي اعلي درجة ربع ساعة وتسوي علي نار متوسطة حوالي 200 درجة
- وبمجرد ما تستوي من تحت نطفي ونولع الشواية لتحمير الوجه وده شكلها
- ملحوظة يا بنات
- ممكن تعملوها وتحشوها وتسيبوها جاهزة علي التسوية يعني الصبح تحشيها
- وممكن باليل تسويها عادي في العشا بتاخد ربع ساعة تسوية
- بس ادهنيها بيض وشيليها في التلاجة عشان ترتاحي وتكون جاهزة
