طريقة عمل صينية روبيان بالخضار
- الكمية تكفي: 4 أشخاص
- وقت التحضير: 60 دقيقة
- وقت الطهي: 45 دقيقة
المقادير:
- بصل مقطع
- جزر مقطع
- فلفل اخضر مقطع
- طماطم مقطعة
- 3 فصوص توم
- بطاطس مقطعة مكعبات
- ليمونتين
- عودين بقدونس
التحضير:
- وطبعا الجمبرى بتاعنا بقشره بس مغسول كويس اوى ومتنظف بشيل الكيس الرملى اللى فالضهر بطرف سكين
- هو عبارة عن خيط اسود رفيع جدا
الطبخ: طريقة عمل صينية روبيان بالخضار
- نسخن زيت زيتون على النار ونضيف عليه البصل الجوانح او الجوليان وندبله فقط
- وبعدين نضيف الفلفل وبقلبه فقط يدبل ايضا
- ويليه الجزر
- وفص توم مفروم
- ثم البطاطس
- واخيرا الطماطم
- ونضيف التوابل بتاعتنا ملح وفلفل اسود وكمون كتير وجنزبيل بودر (مهم جدا انا بستخدمه فى كل
- اكلاتى لانه مفيد جدا جدا جدا وكمان بيدى نكهة مميزة جدا ) ورشة بابريكا ونقلبهم فقط تقلبتين
- ونرفعهم من على النار
- ونجهز صينية ونفرد فيها ورق فويل وعليه رشة زيت زيتون
- نسخن زيت زيتون مرة تانية بس نسخنة اوى ونضيف الروبيان (الجمبرى) ونتبله بسرعة بليمون وتوم
- وملح وفلفل وكمون وجنزبيل بودر بردو ونقلبه بسرعة فقط يتغير لونه للاورانج
- وبعدين نرصة فى ارضية الصينة
- وعليه الخضار بتاعنا
- وعلى الوجه عودين البقدونس بيدى ريحة حلوة اوى وكمان عصير ليمونه ونص كوب ماء مغلى
- ونقفل ورق الفويل كويس اوى على بعضه زى كده وندخلها فرن يكون ساخن
- بعد ماستوت وخرجت قلبت الفويل عالضهر وقطعته بالسكينة على شكل كروس
- ونفتحها بالشكل ده وتتقدم كده او لو حابين تتقدم بالطريقة التقليدية
- و غرفت منها
- بالهنا
