طريقة عمل صينية باذنجان باللحمة المفرومة
- نوع الوصفة:اطباق رئيسية
- محتوى الوصفة:لحوم
- درجة الصعوبة:سهلة جدا
المقادير:
- باذنجان
- فلفلة خضرا
- بصلتين
- حوالى فصوص ثوم مهروسين
- طماطم
- لحمة مفرومة
- ملح
- وفلفل
- وبهارات (حسب الرغبة)
التحضير:
- أول حاجة عملتها قطعت الباذنجان ورشيت عليه ملح وسيبته على جنب علشان يدبل وميشربش زيت كتير وأنا
- بقليه (شايفين الباذنجان ال شكله طويل كده بيكون حلو مش مبذر
- وبعدين فرمت اللحمة
- بنقعها فى مياه وملح الأول وبعد كده أصفيها كويس وأفرمها
- قطعت بصلة كبيرة وقلبتها ع النار لحد ما دبلت وبعدين ضفت اللحمةقلبتها بالملعقة كويس علشان تفك وضفت
- عليها ملح وفلفل وبعدين غطيت الحلة وسيبتها تستوى على نار هادية
- ودا شكها بعد مااستوت طفيت عنها النار
- فى الوقت دا قطعت الطماطم وعصرتها فى الخلاط وصفيتها
- وجبت بصلة صغيرة شوحتها فى الزيت ولما بدأت تحمر ضفت عليها الثوم المهروس وقلبت
الطبخ: طريقة عمل صينية باذنجان باللحمة المفرومة
- وبعد كده ضفت الطماطم وسيبتها تتسبك
- لما بتوصل للمرحلة دى بكشف الحلة ووطى النار خالص علشان البخار يطلع وتتسبك كويس
- ودا شكلها بعد ما اتسبكت
- جبت بأه الباذنجان المقطع وقليته فى الزيت (نسويه كويس لأنه مش هيغيب فى الطماطم بعد كده)
- أنا معنديش ورق مطبخ طلعت الباذنجان على مصفاة
- دبلت الفلفلة الخضرا فى الزيت بعد الباذنجان
- وآدى الباذنجان والفلفلة بعد القلى
- جبت صينية ورصيت أول طبقة من الباذنجان
- وبعد كده طبقة لحمة مفرومة
- وبعدين طبقة صلصة (اتأكدى انك مظبطة الملح)
- وبعد كده ضفت الفلفلة الخضرا
- وفى الآخر طبقة باذنجان
- وضفت بقية الصلصة على وش الصينية
- دخلت الصينية الفرن تحت الشواية خمس دقايق
- أخدت لون حلو وريحتها روعة
- ودا شكلها بعد ما طلعت من الفرن
