طريقة عمل صنية الرز المدسوس بالحمام
- نوع الوصفة: اطباق رئيسية
- محتوى الوصفة: عام
- درجة الصعوبة: سهلة
- خصائص: سريعة التحضير
المقادير:
- رز ابيض مغسول ومنقوع
- حمام الكمية الى انتى عوزاها انا عملت6
- لبن حليب انا استعملت كيلووربع م
- معلقة قشطة كبيرة او وش اللبن
- معلقتين سمن بلدى كبار
- ملح وفلفل اسود
التحضير:
- نحضر الصنية او البرام ونقيس الرز فيها يكون تلت الصنية عشان لما يتغسل بيزيد وكمان لازم نعمل حساب الحمام
- لاننا هنفردو ا فى الصنية ونغسل الرز كويس وننقعه حوالى ساعة
- تانيا نغسل الحمام كويس جدا ونفتحه من الصدر
الطبخ: طريقة عمل صنية الرز المدسوس بالحمام
- نحط الحمام فى صنية تيفال وعليها معلقتين سمن بلدى وشوية فلفل اسود وعلى البوتجاز ونقلبها ونغطى عليها
- على النار تكون هادية عشان تتشوح شوية
- بعد ما اتشوح الحمام فى السمن نجهز الصنية او البرام اللى هنعمل فيه ونفرش فيه شوية رز
- ونرص الحمام على شوية الرز
- نحط الملح والفلفل على الرز الباقى ونقلبه كويس وعلى فكرة اهم حاجة الفلفل الاسود يكون كتير ماتخفيش بيديلو نكهة وطعم
- وننزل بالرز على الحمام
- الرز يبقى نصف الصنية عشان يبقى فى فرصة يستوى كويس ونكمل باللبن ومعلقة القشطة المحترمة ونزود
- الباقى نصف كوباية ماية المهم انه السوائل تغطى الرز بالكامل وتدخل الفرن تستوى
- وبعد ماتستوى وتشرب اللبن ووشها يحمر تختبرى سواها بطرف المعلقة ترفعى شوية رز تلاقيها استوت نطفى
- وتغطى عليها لحد وقت التقديم و بالف هنا على قلوبكم حبباتى
