طريقة عمل سمك الثعابين مع الأرز خطوة بخطوة
- الكمية تكفي:4 أشخاص
- وقت التحضير:30 دقيقة
- وقت الطهي:30 دقيقة
1. المقادير: طريقة عمل سمك الثعابين
- سمك تعبان
- بصل
- طماطم
- بهارات
2. التحضير: طريقة عمل سمك الثعابين مع الأرز خطوة بخطوة
- اولا دى تعبان السمك ودا شكله
- هتخديه وتسمى وتقطعى راسه وانتى هتحدديها باخر العضم هى صغيره مش كبيره وهيبقى كده
- وطبعا تقصى الزعانف بتاعته زى الشكل اللى فوق
- وتجيبى شويه رده ودى صورتها
طريقة عمل سمك الثعابين مع الأرز خطوة بخطوة - وترشى على طرف السمكه من مكان قطع الراس علشان بيتزحلق اوى وتمسكى كويس وتحاولى تدخلى صباعك
- تحت الجلد وتفرغى بين الجلد واللحم وتبدئى تشدى زى كده
- وكده تانى وكل ما يتزحلق ترشى رده
- وهب تسمى وتسلخى وتجمدى مش هزار
- زى كده انا طمست الصوره لان اختكم مشمره
- على الاخر وشغاله دبح وسلخ
- وهتلاقيه بدء يجرى فى ثوانى فى ايدك
- شايفين الفرق بين اللحم والجلد
- الحمد لله تم السلخ بنجاح باهر ونبدء ننضف البطن
- وبنفتحها من فوق لتحت بنبدء من مكان الراس سابقا
- لغايه ما توصلى لنهايه البطن بس دا مختلف شويه
- لان البطن مش اخرها فتحه السمك العاديه لا
- دى بتمشى شويه تحت الجلد انتى تفضلى وراها تجيبى ارارها
- زى ما انتوا شايفين كده
- وتنضفى كويس بالسكينه زى كده
- بعد كده تغسليه بالميه
- وتنزلى الرده ودا شكله بعد الغسيل
- وبعد ما بقى تمام تقطعيه كده
- وتغسليه بطريقتك المعتمده انا بغسل بدقيق وملح وخل
- كل واحده وطريقتها
- وبعدين هتجيبى بصلتين حلوين وتفرميه كده ومعاهم ملح كفايه الطبخه يعنى مش هنحط ملح تانى ومعاه كمون
- وتفرميهم بس كبير وتحطيه فى مقلايه فخار زى الصوره كده
- لو معندكيش مقلايه ممكن تتصرفى بس الطعم فى الفخار حكايه بس عادى ممكن صينيه عاديه او بايركس
- لو اتزنقتى اسلفك عادى الاخوات لبعضيهم
3. الطبخ: طريقة عمل سمك الثعابين مع الأرز خطوة بخطوة
- بعدين تجيبى 2 طماطم كبيره او تلاته وتخلطيهم كويس
- وتحطيهم على البصل وتقلبى كويس
- وبعدين هتحطى زيت زى 4 او 5 معالق وتقلبى زى الصوره
- وبعدها ترصى السمك كده الناحيه اللى فيها الشوك او بمعنى اصح ضهر السمكه لفوق والبطن تحطيها تحت
- وتحاولى تفتحيها بسيط وتدخلى فيها البصل زى كده
- وتدخليهم الفرن على طول ويكون سخن اوى واول
- ما تدخلى المقلايه توطى من فوق خالص
طريقة عمل سمك الثعابين مع الأرز - وممكن استعجالا وتوفير للفرن تغليها غلوه واحده على
- نار البوتجاز وتدخليها على طول الفرن متقوليش اسويها على البوتجاز واحمر وشها نو امبوسيبول
- لازم عمى فرن وبعد شويه هتنشف شويه او الميه هتقل منها وتقدرى تزوديها هتزوديها ايه هقولك اكيد هيفيض
- عندك عصير طماطم اوعى تكونى دعيتى عليه انه فاض انا عارفه انه هيفيض زودى بيه يابطه المقلايه بتاعتك
- وممكن تزودى ميه
- لو كنتى حطيتيه كله او قليل خفيه بميهاو زودى ميه بس كل الطرق هتؤدى للغرض وتزودى كمان شويه زيت
- صغيرين وتدخليهم الفرن
- وعلى فكره ممكن تغطيها بعد ما تاخد لون حلو قبل ما تتزود
- يعنى علشان متتحرقش
- ودا بث مباشر من فرنى
- بس بعد ما نشفت واتزودت ونشفت
- شايفين النار هاديه ازاى حتى العين التانيه ممكن تفتكروا انها طافيه بس هاديه جدا وتغطيها تانى وتوطى من تحت
- يا شطوره اوعى تنسى وسيبيها تاخد مع نفسها شويه ممكن نص ساعه وتطلعيها هتبقى زى الصوره دى
- حتى لسه باين انها بتغلى دى بعد ما طلعت من الفرن ورايحه للمم
- هتقدميها مع ايه هقولك مع رز ابيض وسلطه خضرا وبطاطس محمره ومخلل وبالف هنا وشفا
- طريقة عمل سمك الثعابين مع الأرز
