طريقة عمل سبيط ب 3 طرق مقلى صينيه وطاجن
- الكمية تكفي:6 أشخاص
- وقت التحضير:10 دقائق
- وقت الطهي:30 دقيقة
المقادير:
- طاجن السبيط ومقاديره
- بصل
- طماطم
- وخضرة بقدونس وشبت وكسبرة وكرفس زي ما تحبي
- فلفل كوبي
- والسبيط طبعا
الطبخ:
اولا طريقة عمل طاجن السبيط
- اول حاجة يقطع البصل ونشوحة في الزيت لحد ما يدبل ولونه يصفر
- وبعدين ننزل بالطماطم
- وتقليبة واحدة وننزل بالسبيط المقطع قطع صغير
- وبعد كدة ننزل بالخضرة والفلفل الكوبي ونقلب تقلبيتين بس
- ونجيب بقي الطاجن الفخار وعلي فكرة الفخار بيدي طعم اروع للطاجن غير البيركس
- ونحط فيه السبيط وعلي الفرن
ثانيا طريقة عمل سبيط المقلى
- اول حاجة بنتبل السبيط توم كمون ملح وفلفل وواحدة فلفلة حامي او لا زي ما تحبي
- وكل ده بنفرومة ونتبل بيه بالشكل ده
- وبعد كدة بتقلية في الزيت بالدقيق
- ويقدم
ثالثا طريقة عمل صنية السبيط
- بنغسل السبيط طبعا ونقطعة زي ما نحب والصنية دي ممكن نحط فيها ارجل السبيط
- بتبقي حلوة اووي
- ونجيب بقي نصف كيلو بطاطس وعدد 2 طماطم و2 فلفل كوبي
- وبصله وخضرة بقدونس وكرفس او اي خضرة تحبيها وليمون ترنشات
- ونقطع كله ني في ني في الصنية ولو حبيتي ممكن رشة زيت ذرة علي الوش
- ونتبله بالملح والكمون ونقلبه كويس
- وهنا بقي ادتها غلوة وبعدين دخلتها الفرن
