طريقة عمل روستو الرومى فتكات

• الكمية تكفي:4 أشخاص
• وقت التحضير:15 دقيقة
• وقت الطهي:60 دقيقة

1. المقادير:

• 1 كيلو صدر ديك رومي
• شرايح جزر
• شرايح فلفل الوان رومي
• فصوص توم
• فلفل حصي

2. التحضير:

• اول حاجة هنجيب سكينة رفيعة ونفتحه زي كده ونلف السكينة كويس
• وبعدين ندخل يد معلقة خشب زي كده
• وبعدين ندخل فصوص التوم ونزقها كويس لجوه زي كده
• وشرايح الجزر زي كده
• وشرايح الفلفل زي كده
• و بعدين حاجة هنجيب معلقتين زيت+معلقة سمن ونشوحه

3. الطبخ:

• وبعد التشويح ممكن نزوده ماء وعادي نسويه ولما يستوي نلفه في بلاستيك فويل وورق فويل
• او كيس بلاستيك وعليه فويل ونضغط كويس جدا
• انا سلقته مع بصله وجزره وفلفل والملح يضاف فى الاخر ملحوظه زودوا الملح شويه علشان اللحم يشربه
• ونسيبه يبرد وبعدين يدخل الفريزر لمدة ساعتين او 3ساعات وممكن نعملوه قبلها بيوم ونلفه فى كيس
• وممكن نسويه في الفرن بعد لفه بس نلفه ونحطه في صينيه علي نار هادية
• وبعد ما نبرده نقطعه بسكينه حامية شرايح وندخنه
• ولعت فحمة وحطيتها علي فويل وغطيت زي الصورة بعد ما قطعته شرايح