طريقة عمل جمبرى بانية احلى واسهل وصفه
- الكمية تكفي: 4 أشخاص
- وقت التحضير: 60 دقيقة
- وقت الطهي: 20 دقيقة
المقادير:
- كيلوا جمبرى جامبو
- 5 فصوص ثوم مفروم
- ملح
- كمون
- ليمون
- شطة
- دقيق
- بيضتين
- بقسماط
- زيت للتحمير
التحضير:
- أولاً نقوم بتقشير الجمبرياية كلها ونسيب الديل اللى فى الآخر
- ونبدأ نكمل باقى الجمبرى
- وبعدين بقى يا ستى انتى وهىتيجوا من عند سلسلة ظهر الجمبرياية كده ونشدها وبعدين من نفس الناحية
- نفتحها بالسكينة كلها عشان تتفرد ولو فيه بواقى من
- سلسلة الظهر ننظفها كويس
الطبخ: طريقة عمل جمبرى بانية
- وبعدين بقى نجيب الحاجات اللى هنتبل بيها الجمبرى زى ما هو فى المقادير (الثوم،الملح،الكمون،الشطة، الليمون)
- ونبدأ نتبل بيها الجمبرى كله من الجهتين ونحطه فوق بعضه ونحطه فى الثلاجة أقل حاجة ساعتين
- أنا عن نفسى حطيته من قبلها بيوم وكان شارب من التتبيلة وطعمه تحفة
- وبعدين نحضر بقى باقى الحاجات اللى فى المقادير (الدقيق،البيضتين،البقسماط)
- وبنحط طبعا القليل من الملح والفلفل على البيض قبل ما نضربه بالشوكة كويس
- ونبدأ بالترتيب كده من اليمين نحط الجمبرياية فى الدقيق على الجمبين وبعدين فى البيض وبعدين فى البقسماط
- ونضغط عليها فى البقسماط جامد عشان يمسك فيها كويس ونعمل الكمية كلها
- وبعدين نحطهم فى الفريزر حوالى نص ساعة تقريباً عشان مايفرولش فى الزيت وابدأى حمرى بقى ياحلوة بس
- إوعى يزيد فى النار عن دقيقتين
- لحسن ينشف ويجلد هو دقيقة واحدة على كل ناحية وتشيلى على طول
- ويقدم مع الرز والسلطة الخضرا والطحينة
- وبالهنا والشفا
