طريقة عمل بطة مشوية مع الخضار
- نوع الوصفة: اطباق رئيسية
- محتوى الوصفة: دجاج و طيور
- درجة الصعوبة: سهلة
- الكمية تكفي: 6 أشخاص
- وقت التحضير: 20 دقيقة
- وقت الطهي: 60 دقيقة
المقادير:
- بطاية
- 3 حبات بطاطس و 4 حبات جزر
- و 2 بصلة كبيرة
- 2 زبادي
- (1) معلقة متوسطة ملح
- (2) 10 فصوص حبهان
- (3) نص معلقة صغيرة كمون
- (4) نص معلقة صغيرة فلفل اسود
- (5) معلقة صغيرة زعتر
- 3 فصوص ثوم
- عصير ليمونة
- معلقة كبيرة عسل نحل
التحضير:
- اول حاجة هنقطع الخضار
- وبعدين هانضرب الزبادي والتوابل والثوم وعسل النحل وعصير الليمون في الخلااااط
- وشوفي ايه اللي هيطلع
- هنتبل البطة من بره وجوه بالخليط وهنعملها فتحات
- وهنتبل الكبدة والقوناصة كمان
- وبعدين هنحطها في التلاجة لمدة 3 ساعات
- لما نطلعها من الثلاجة نشوحها على النار
- دي صورتها بعد ماتشوحت
- وبعدين نشوح الكبدة والقوناصة مع الخضار على النار
- وبعدين نحطهم كلهم مع بعض في صينية عشان ندخلها الفرن
- وندهن البطة بزيت عشان تتحمر وبراحتك طبعا لو مش عايزة تعملي الخطوة دي
- طريقة عمل البط بالبرتقال فى الكيس الحرارى في الفرن
الطبخ:
- وبعد كده حطيها في الفرن عشان تشويها
- بعد ماندهن البطة بالزيت
- هنغطيها بورق فويل
- ونحطها في الفرن على درجة 250 ولمدة ساعة او على حسب ما تستوي
- دي شكلها لما طلعت من الفرن
- شيلي الورق الفويل ودخليها تاني الفرن لمدة 10 دقائق
- الخطوة دي في ناس مابتحبش تعملها بس بالنسبة لوالدتي بتحب تعملها عشان الفرخة تتشوي كويس وتضمن انها استوت
