طريقة عمل الموساكا اليونانيه المسقعة اليونانية

طريقة عمل الموساكا اليونانيه المسقعة اليونانية

المقادير:

• بتنجان
• 2 بطاطس
• شويه جبنه برمزان مبشورة
• بيضه
• 2 كوب لبن
• معلقه توم مفروم
• معلقتين زيت زتون
• بصله مبشورة
• لحم مفروم نص كيلو
• 3 طماطم هنعملهم عصير
• صلصه طماطم
• 2 معلقه بقدونس مبشور
• 3 معالق كبيرة دقيق
• ملح وفلفل

التحضير:

• هنقشر البتنجان والبطاطس وهنحط البتنجان بميه وملح
• نقطع ونفرم البقدونس

الطبخ:

• هنجيب البصل المبشور ونحطه بالمقلايه لما يبتدي يصفر نحط عليه اللحمه المفرومه لحد متستوي
• ناخد الطماطم ونقطعها اربعه ونحطها بالخلاط وعليها شويه ميه (نص كوبايه)
• نحط ع اللحمه 3 معالق صلصه طماطم
• نجيب عصير الطماطم ومصفه ونصفيه عشان قشر الطماطم المتبقيه متنزلش بالاكل هنسبهم ع النار ربع ساعه
• البتنجان والبطاطس بعد مقطعناهم وحطينا البتنجان في ميه وملح مش هنغسله وهنقليهم هما الاتنين ع الزيت
• شويه صغيرين اوي يعني يادوب يتحطوا ع الزيت ويتشالوا تاني
• هنجيب صنيه وناخد معلقتين من خلطه اللحمه المفرومه ونحط في الصنيه مش لازم تغطيها بس نحط فرشه
• نحط طبقه بتنجان وشويه لحمه فوقه و طبقه بطاطس وشويه لحمه تاني فوقها لحد منخلص كله
• نيجي بئه ع البشاميل الاول هنسخن نص كيلو لبن يعني كوبيتين
• نجيب حله ونحط فيها معلقتين زيت زتون ولما يجهز نحط الدقيق ونحط شويه لبن
• ونقلب وهاكذا لحد متبقي كريمه سيحه
• نستني حبه صغننين لما تبرد شويه مش تبرد خالص لا يعني تبقي مش مولعه ونحط عليها البيضه ونقلب كويس
• اخيرا نحط البشاميل علي وش الصنيه
• حاجة نحط جبنه البرمزان المبشورة ع الوش وندخلها الفرن ع درجه حرارة 200 لمدة 40 دقي
• طريقة عمل الموساكا اليونانيه المسقعة اليونانية