طريقة عمل المندى السعودى
- نوع الوصفة: اطباق رئيسية
- محتوى الوصفة: عام
- درجة الصعوبة: متوسطة الصعوبة
- خصائص: محببة للاطفال
المقادير:
طريقة عمل المندى السعودى- ملح فلفل كمون
- مكعب ماجى
- قرفة ناعمه
- ورق لورة
- 3 فصوص حبهان
- نص معلقة كركم
- شوية زيت
- بهارات فراخ
- قرنفل
- ليمون اسود
- اعواد الدارسين (القرنفل)
- بصلة مقطعة جوانح وفص ثوم مقطع صغير
- دجاجة مغسولة كويس ومتغرسة بالسكين نغزات
- كاسين ارز بسمتى منقوعين فى مية سخنة لمدة نص ساعة
التحضير:
- هنتبل الدجاجة نص معلقة كركم عليها شوية زيت وملح وبهارات فراخ
الطبخ: طريقة عمل المندى السعودى
- نشوح البصل مع الثوم بس مايخدش لون فى معلقتين زيت
- نحط التوابل كلها ملح فلفل كمون مسمار حبهان ورق اللورا القرفةوبهارات الفراخ
- وبعدين 3 كوبايات مية ونفتت مكعب الماجى ع المية
- نقفل النار علطول بعد ما نذوب الماجى
- الارز المنقوع نصفيه ونحطه فى حلة متقطع عليه طمطاية جوانح
- ونحط شوربة التوابل عليها ونحط طبقتين قصدير ع الحلة ونخرم بالسكينة ونحط الدجاجة المتبلة بعد تصفيتها ع وش القصدير
- ونحط ع الدجاج زبدة ونقصدر ع الدجاج بطبقة قصدير
- وع الفرن علطول بدرجة حرارة 180ومنفتحش عليه غير بعد ساعة
- بعد ما الدجاجة اتحمرت نشيل القصدير عن الارز ونحط الدجاجة ع الارز وفى نص الحلة فنجان هنحط فيه الفحمة
- ونطفيه بالزيت
- ونغلق ع الحلة عشان تاخد ريحة الشواء
- ونقدمه فى صحن التقديم وبالهنا والشفا
