طريقة عمل المكرونه بالصلصه البيضاء
- الكمية تكفي: 4 أشخاص
- وقت التحضير: 30 دقيقة
- وقت الطهي: 40 دقيقة
المقادير:
- كيس مكرونه اسباجيتى
- ونص كيلو لحمه شرايح
- مرقة دجاج
- زبدة
- ملح
- فلفل اسود
- صويا صوص
- بصلتين مبشورتين
- مكونات بقى الصلصه البيضا
- علبه قشطه
- وحليب
التحضير:
- تحطى بقى اللحمه على النار مع معلقه زيت وسيبيها تتشوح كويس على نار عاليه
- وبعدين وطى النار وغطيها
- وسيبيها تنزل ميتها وتشربها تانى وبعد ما تشرب ميتها حطى عليها بصلتين مبشورين
الطبخ: طريقة عمل المكرونه بالصلصه البيضاء
- وقلبيها كويس وتبليها بملح وفلفل وشويه صويا صوص بس
- وزوديها ميه وسيبيها تستوى لحد ما تشرب كل الميه اللى انتى حطيتيها
- وبعد ما تستوى رشى عليها بقدونس متخرط ناعم واقفلى النار وغطى اللحمه
- فى الوقت ده هتكونى سلقتى المكرونه
- وصفيها وتكونى مجهزه مكعبين مرقه واهرسيه بايدك ونعميه ومعلقتين زبده
- انا كان عندى زبده بلدى بس بالزبده الصفرا احلى بكتير
- واول ما تصفى المكرونه حطى عليها الزبده والمرقه وقلبيها وهى لسه سخنه علشان الزبده تسيح
- صدقينى طعمها كده حتى من غير الصلصه البيضا حلو قوى
- هتحطى علبه القشطه فى الفود بروسيسور وتملى نفس العلبه حليب وتحطيه عليها وبهريها ملح وفلفل
- هتبقى عندك صلصه شبه سايله وممكن لو احتاجت لبن كمان تزوديها
- هتحطى بقى الصلصه على المكرونه وترجعيها على نار هاديه خمس دقايق
- وتغرفيها زى ما تحبى انا حطتها فى طبق سرفيس كبير وكل واحد يحط بعد كده فى طبقه
