طريقة عمل اللانشون في البيت بدون لحمة بالصور
- الكمية تكفي:6 أشخاص
- وقت التحضير:15 دقيقة
- وقت الطهي:60 دقيقة
1. المقادير:
- 3 بيضه
- 3 جبن مثلثات
- 4 معالق دقيق
- 2 او3 فص توم
- 2 او 3حبهان
- وربع معلقه من (الكمون والكاري والفلفل الاسود و الزنجبيل و ورق اللاورا)
- ورشه ملح بسيطه
- مكعب مرق ( انا كنت عملت 2 بس طلع مالح اوي بعد كده بقيت بعمل واحد بس
- نص كوب زيت
- لون احمر طبيعي او ( ممكن بنجر بس انا كان عندي لون فجربته لقيته تحفه بيطلع نفس لون بالظبط)
- طريقة عمل اللانشون في البيت بدون لحمة بالصور
2. التحضير:
- نضع البيض والجبنه والبهارات والتوم والحبهان والمرقه ونضربهم مع بعض بس انا نسيت احط الحبهان وورق اللاورا
- لان انا كنت خلصت ونسيت اصور رجعت جبت المقادير وصورتها
- وبعدين نحط عليهم الدقيق
- نحط اللون الاحمر وبعدين الزيت ونضربهم جامد اوي عشان اللون يندمج مع الخليط ويبقي بالشكل ده
- وعندي دورق مياه استانلس زي بتاع المطاعم دهنته زيت من جوه وحطيت فيه الخليط وخرجت منه الهوا
- وكمان كان عندي زيتون شرائح حطيته علي الخليط في الدورق
- ودا شكل الدورق
3. الطبخ:
- وقفلته بورق المونيوم من فوق وحطيته في حله فيها مياه بتغلي وسبتها حوالي ساعه ونص
- وده اللانشون بعد مااستوي بس للامانه العلميه الصوره دي قديمه عشان كده هتلاقو لونها فاتح عن الانشون
- المتقطع بس عموما الكميه دي من المقادير بتعمل الحجم ده
