طريقة عمل الكوسا باللحمة المفرومة
- الكمية تكفي: 6 أشخاص
- وقت التحضير: 30 دقيقة
- وقت الطهي: 30 دقيقة
المقادير:
- نص كيلو كوسا مقطعة شرايح وسط مش تخينة ومش رقيقة
- بصلة كبيرة مفرومة
- نص كيلو لحمة مفرومة
- 4 ملاعق كبيرة صلصة ممكن تسبكي انتي الطماطم
- ملح
- وفلفل
- وبهارات لحمة
- وورق لاورا
- واي بهار بتحبيه
التحضير:
- اول حاجة هتجيبي الصينية وتحطي فيها شوية زيت صغيرة خالص وبعدين البصلة المفرومة وبعدين تقلبي لغاية
- ماتدبل وتحطي عليها اللحمة المفرومة وتقلبي وتحطي بهاراتك كلها ماعدا الملح
- بعد كدة هتضيفي الصلصة بتاعتك علي اللحمة ومعاها شوية ماية او شوربة لحمة لو موجود ودة شكلها
- وتسيبها تتسبك مع بعضها
- وبعدين هاتي الكوسا وحطيها معاهم
الطبخ:
- حطي الملح وغطيها وتابعي مقدار الصلصة لو نشفت زودي شوربة او ماية مش مشكلة الاتنين واحد بس تكون
- دافية وقلبي لغاية ماالصلصة تنشف شوية
- ودخليها الفرن بقي ع الشواية من فوق لغاية مايتحمر الوش بتعاها ودة شكلها
