طريقة عمل (( الــبــيــتــزا ))
- الكمية تكفي: 6 أشخاص
- وقت التحضير: 30 دقيقة
- وقت الطهي: 30 دقيقة
المقادير:
- العجينة :
- 2 كـوب دقـيـق
- 1 بـيـضة
- 3 ملعقة كبيرة زيت
- قطعة خميرة + لبن للعجن
- ذرة ملح
- ذرة فانيليا
- الصلصلة :
- معلقة كبيرة صلصة
- حبة طماطم مقشرة
- ذرة فلفل أسود + ذرة زعتر + ذرة ملح
- 2 فص توم
- الإضافات :
- جبنة فلمنك ( 1/8 كيلو بيكفى معايا وحداية بيتزا )
- 2 حبة فلفل أخضر مقطع شرايح
- 1 حبة طماطم كبيرة شرايح
- زيتون مقطع
- موتزاريلا مبشورة
التحضير:
- أول حاجة تحطى قطعة الخميرة البيرة فى كوباية وعليها معلقة صغيرة (سكر) وعليهم شوية لبن دافيييييين
- وتقلبيها لحد ما تدوب الخميرة وتسبيها على جنب فى مكان دافى مش تحت المروحة مثلا يعنى
- وهى هتعلى على ما نكون احنا بنحضر الدقيق والحاجات التانى وده شكلها لما تفور كده تبقى شغالة وحلوة
- وتروحى أنتى بأه حاطه الدقيق فى طبق العجن وفوقه ذرة ملح
- وبعدين تحطى معالق الزيت والبيضة ( معاها رشة فانيليا بسيطة ) وتفركيهم فى الدقيق لحد ما يختفوا
- وبعدها تضيفى الخميرة دى وتعجنى شوية وتزودى بأه لبن داااافى بردو فوقها لحد ما العجينة تلم
- لو العجينة كانت بتلزق فى ايدك معلش اصبرى عليها شوية واعجنى تانى هتلاقيها بتتلم
- وممكن تسلكيها من ايدك فى الآخر بذرة دقيق بس
هتبقى كده - دفى بأه الفرن لمدة نص دقيقة بس وبعدين اقفليه وحطى الطبق تحته قماشة علشان لو الفرن سخن زيادة ولا
- حاجة الطبق مش يتلسع
- وغطيه بقماشة تانى وسيبيها ساعه مثلا
- هتبقى المفروض يعنى كده
- أثناء ما العجينة بتخمر بحضر بأه الصلصة والحبشتكنات
- تحطى معلقة الصلصة فى طبق وتقشرى حبة طماطم واحدة
- وتبشريها فوق الصلصة ومعاها كمان فصين توم
- وحطى رشة زعتر بسيطة وذرة فلفل أسود صغنتوتة كده بس
- والملح فى الصلصة مش بقيت بحط .. كنت بحط الأول ذرة كده بس لقيت إن نوع الجبنة الفلمنك اللى بستخدمه
- بيدى الطعم المطلوب من غير ملح
- ادهنى بأه صينية البيتزا بتاعتك زيت
- وطلعى العجينة الطرية دى وافرديها فى الصينية كده حلو وطلعى الجوانب بتاعتها على حافة الصينية
- وبعدين خرمى البيتزا بالسكينة خروم كده بسيطة وافردى الصلصة عليها كلها
- وابدأى احشى أطراف الصينية جبنة واتنيها زى الستافت كراست كده
- وبعدين حطى الإضافات فوق البيتزا
- أنا بحط طماطم وفلفل بسيط وفوقهم الجبنة وارجع أحط فوق الجبنة تانى فلفل وطماطم
- وبعدين جبنة تانى بخليها طبقات يعنى ومعرفش السبب
- ودى بشرت فوقها جبنة رومى على خفيف كده
- وادى شكل البيتزا قبل الفرن
- وممكن تضيفى موتزاريلا على الوش كمان لو تحبى
الطبخ:
- وتفضل ف الفرن حوالى نص ساعة بس تراقبيها علشان مش تطلع ناشفه
- ده شكلها فى الفرن
- افتحى وحاولى ترفعى طرفها بالسكينة كده وبصى تحت شوفى القاعدة لونها كويس ولا إيه
- وحاسبى تتلسعى لأنى أنا مهرية أصلا لسعات من الفرن
- وده بعد ما طلعتها من الفرن
- دى على وشها موتزاريلا بتديها شكل بصراحة
