طريقة عمل العيش الشامي و عيش الشاورما
- الكمية تكفي: 8 أشخاص
- وقت التحضير: 30 دقيقة
- وقت الطهي: 40 دقيقة
المقادير:
- نص كيلو دقيق
- ملعقة صغيرة خميرة فورية
- ملعقة صغيرة بيكنح باودر
- ملعقة صغيرة ملح
- ملعقة صغيرة سكر
- ماء للعجن
التحضير: طريقة عمل العيش الشامي و عيش الشاورما
- اول حاجة نخلط كل المقادير الجافة مع بعضها و نبتدي نضيف المية تدريجيا و نعجن العجينة يكون قوامها متماسك و
- نفضل نعجن فيها عشر دقايق او ربع ساعة لحد ما تبقى ملساء و جميلة كده
- ليه نعجنها الوقت ده كله ؟؟ العيش الشامي زيه زي الفطير المشلتت عاوز عجن كتير علشان ننشط الجلوتين اللي
- في الدقيق و ده اللي حيخلي العيش يقب معانا و يعمل شكل البالونة
- بعد ما نعجن نسيب العجينة تختمر مده ساعة او لحد ما حجمها يتضاعف و ده يعتمد على درجة حرارة المطبخ
- يعني في الشتاء ختاخد وقت اطول و الصيف حتاخد وقت قصير
- بعد ما تختمر العجينة نقسمها و نبتدي نفرد و لازم نفردها على سطح مرشوش دقيق
- طريقة عمل العيش الشامي
الطبخ: طريقة عمل العيش الشامي و عيش الشاورما
- انا فردتها على دقيق اسمر ( دقيق شعير ) لأن ما كانش عندي ابيض خلصته كله على العيش و علشان كده
- حتشوفي نقط في العجينة و ده بسبب النخالة اللي في الدقيق بس الافضل انك تفرديها على نفس نوع الدقيق
- اللي عجنتي بيه
- و لكن لو مفيش مش مشكلة
نجهز على جنب صحن فيه قطعة قماش انا مخصصة مناديل قماش بستعملها دايما علشان العيش و لما اخلص - اغسلها و اعيد استخدامها تاني مرة
- ممكن تجيبي اي قميص قديم و تقطعيه و تخصصيه للعيش او تشتري متر قماش من ارخص نوع و تقصيه مربعات و
- تخصصيه للعيش و دي خطوة ضرورية
- نفرد كل قطعه من العيش و نحطها على القماشة و نغطيها و نحط اللي بعدها و نغطيها و كده لحد ما نخلص و زي
- ما انتو شايفين بين كل حتة و حتة في قماش علشان ما تلزقش في بعض
- نسيبها ترتاح نص ساعة على الاقل و ممكن اكتر لو عايزين و الراحة دي حتساعدها اكتر انها تقب
- الخطوة دي هي اللي حتعمل الفرق بين عيش الشاورما و العيش الشامي
- يعني لو ما سبنهاش ترتاح مش حتقب و حيطلع عيش شاورما
- لو ارتاحت حتقب و يطلع عيش شامي
- طريقة عمل العيش الشامي
- بعد ما ارتاحت العجينة نجيب طاجن تيفال و نحطه على نار عالية و اول ما يسخن نحط اول رغيف و زي ما انتو
- شايفين في الصورة برفع الرغيف بالقماش يعني مش بلمسه بايدي علشان مش عايزة اقطع العجينة او
- يطلع شكلها غريب
- نحط الرغيف و نعد للعشرة و نقلب على تاني وش
- و بعد كده حنشوف الفقاعات ابتدت تظهر نوطي النار شوية و نتفرج و هو بيقب و حيبقى زي كده
- شفتي الجمال ؟
- ,و طبعا اول ما تطلعيه من النار تحطيه في قماشة و تغطيه علشان تحافظي على طراوته
- و على فكرة ممكن نسويه في الفرن ده بالنسبة للعيش الشامي انما عيش الشاورما لا يمكن يتعمل في الفرن
- انا بعمل عيش الشامي على البوتاجاز من فوق لسببين
- اولا احنا نفرين بس في البيت و بالتالي مش بخبز كمية كبيرة و اوفرلي اني اعمله على البوتاجاز لأن الفرن
- حيستهلك غاز كتير و الكمية صغيرة فبلاش منه احسن
- ثانيا ان لما بنسويه من فوق البوتاجاز بيطلع طري انما في الفرن فبيكون انشف شوية و بالتالي على البوتاجاز
- طعمه اجمل بكتير
- ممكن تحشي الرغيف قبل ما تسويه على النار و بيطلع هايل انا بعملهاا للعشاء بحشي الرغيف جبنة او لانشون او
- ممكن لحمة مفروم بيبقى طعمها هايل بس لما بيكون في حشوة ادهن الطاجن بتاعي بشوية زيت قبل ما احط
- الرغيف لأن ثقل الحشوة ممكن يخلي الرغيف يلزق او ما يقبش بس الزيت بيساعد في الخطوة دي
- لكن ما تكتريش زيت تمسحي الطاجن التيفال بتاعك
- طريقة عمل العيش الشامي و عيش الشاورما
