طريقة عمل الصيادية
- نوع الوصفة: اطباق رئيسية
- محتوى الوصفة: اسماك و مأكولات بحرية
- درجة الصعوبة: سهلة
- خصائص: سريعة التحضير
- الكمية تكفي: 6 أشخاص
- وقت التحضير: 60 دقيقة
- وقت الطهي: 45 دقيقة
المقادير:
طريقة عمل الصيادية- سمكة كبيرة بياض او قراميط
- بصلتين كبار مقطعين طرنشات
- حوالي كيلو طماطم مقطعة مكعبات صغيرة
- فلفل احمر (رومي و حامي )
- ثوم مش كتير
- ليمون كتر
- خل و ملح
- كمون و بهارات
التحضير: طريقة عمل الصيادية
- طبعا بنخلي البياع يسلخ السمكة و ينظفها و يقطعها طرنشات و احنا بنغسلها و بننقعها في ملح و دقيق و مية قد ساعة كده
الطبخ: طريقة عمل الصيادية
- بعد كده بنشيلها و نغسلها تاني كويس و نصفيها علي مصفاة
- لحد ما تتصفي هنعمل التتبيلة بناخد الفلفل (الرومي و الحامي) نغسلهم و نشيل البذور و نحطهم في الخلاط و
- معاهم الثوم و شوية خل و نطحنهم كويس جدا بعد كده نفضيهم في حاجة واسعة و نشيل منهم اربع ملاعق كبيرة
- في طبق علي جنب و الباقي نعصر عليهم قد اربع ليمونات كبار و نضيف لهم الكمون و الملح و ننقع فيهم السمك
- اربع ساعات او اكتر
- بعد كده هنعمل الخلطة هنجيب الصينية اللي هنعمل فيها السمك و نحط فيها شوية زيت مش كتير و نحط البصل و
- نقلبه لحد ما يدبل لو بتحبي الحاجة حامية قطعي فلفلة حامية و شوحيها شوية مع البصل بعد كده هنضيف جزء
- التتبيلة اللي شيلناه فاكرين و نسيبه يتشوح مع البصل و كمان نعصر عليهم ليمونة كبيرة و شمي الريحة كده
- دلوقتي بقا هنضيف الطماطم و نسيبها تتسبك و هنحط لها كمون و ملح و شوية بهارات صغيرين جدا
- خلاص اتسبكت هنشيل نصفها في طبق و نسيب الباقي في الصينية
- دلوقتي بقا نروح للسمك و نبدره بالدقيق و نحمره بس علي نار عالية عشان يكون محمر لكن مش مستوي
- دلوقتي هنرص السمك في الصينية و نحط باقي الخلطة علي الوش و بينا علي الفرن و يكون عالي
- و ده بعد ما خرجت من الفرن و بالهنا و الشفا و افتكروني بالدعاء و التقييم
