طريقة عمل السمك المقلي مع الرز وصينية وشوربة

• • الكمية تكفي: 4 أشخاص
  • وقت التحضير: 120 دقيقة
  • وقت الطهي: 45 دقيقة

المقادير:

• • سمك اسمه غطيان موسى
  • لملح العادي
  • ملح الليمون
  • بهارات
  • سمك
  • كمون
  • كسبرة
  • زعتر
  • فلفل اسود
  • ليمون
  • فص توم مقطع
  • 2 كوب أرز حبه طويلة
  • وونقعة حوالى نص ساعة

التحضير:طريقة عمل السمك المقلي مثل المطاعم 

1. هتغسلية كويس جدا جدا وبسكينة وانتى بتفصلي الرأس
2. هيكون جوا العضم دم حولييي تشلية خالص
3. وطبعا هتنقعية حوالى نصف ساعة فى ماء+ملح+ليمون+شوية دقيق
4. السمكة هنفصل الجزء العلوى لان دة اللى هنعمل بيه الشوربة ان شاء الله

5. وصفه اخرى : طريقة عمل السمك المقلي مثل المطاعم

الطبخ: طريقة عمل السمك المقلي مع الرز وصينية وشوربة

1. دي البهارات وكتبة عل كل حاجة اسمها وفية فرق بين الملح العادي وملح الليمون **دة مزز شوبة وبيكون طعمة
2. حلو فالاكل بس مش تحطى كتير منه عشان مش يدى طعم مر**وفين ناس مش بتحط كسبره ناشفة..عادى
3. دى مقادير الشوربة وانا كاتبه بس هوضح لان طبعا مش حريفة فالكتابة والصور زي مقلتلكو
4. حوالى معلقتين زيت ومعلقة دقيق مش مليانة وفلفل وملح وكمون ومستكة وحبان وبصلة وليمونة وورا الطبق دة
5. فية السمك ومعاه الخضره
6. أول حاجة طبعا هنتبل السمك ونساه خالص لحد ما نعمل باقى اكلنا
7. نبدا بالشوربة
8. فى حلة وسط هتحطى الزيت مع الدقيق وتقلبي كتييييير لحد لما الدقيق يدوب ومش يكلكع منك خالص ثم ضيف 3
9. او 2 كوب ماء
10. بكدة ذاب الدقيق نضيق بااقى المقادير وقلبي قلبي
11. كدة الشوربه ع النار لول ما تغلى ارفعى الغطا ومش تحطية تانى
12. ولما تلاقي البصلة خلاص اطبخت ساعتها بس تتضيفى السمك والخضره والليمون ومااازال الغطا مرفوع مش تحطية
13. عشان رائحة الزفاره
14. السمك هيستوى فى خلال 10 دقائق فقط
15. هنا اول ما ضفت السمك
16. سمك الشوربه خلص اهو وطبعا السمك المسلوق ممتاز فالرجيم وممتاز للطفل والشوربه طبعا ريحتها والله العظيم
17. جميلهة والشوربة نظيفه جدا ومفيهاش اى ظفاره
18. واكلت بنتى اللي 7 شهور ونص أرز وشوربه وسمك مسلوق
19. طبعا احنا متبلين السمك خلاص
20. نبدأ بقة بسمك الصينية واللى اصلا عملاه ليا انا عشان الرجيم
21. هنخد سمكة من المتبلين ونحطها على ورق فويل بس الاول نضع شوية خضرة سمك السمكة وعليها المقادير دي
22. بصلة مبشورة او مفرومة +خضرة+معلقة زيت زيتون+معلقة صلصة مخففة بماء+ليمون
23. طبعا ممكن تزودى اى ملح +فلفل+كمون
24. الاول بصل ثم الخضره ثم الدمعة ثم زيت الزيتون وطبعا بهارات
25. ونطبق الفويل مربع ونحطه فالفرن ع حرارة متوسطة
26. لما طلعت من الفرن
27. ثم حطتها تحت الشوايه
28. نيجى بقة للأرز
29. انا بعمله مسلوق عشان الرجيم
30. بتحطي الشعريه فالحلة بدون زيت خالص وتقلبيها لحد ما تصفر شويه
31. ضيفى الارز والملح والماء وانا حطيت شويه كركم عشان يصفر..
32. وممكن بضيف مكعب مرق لو عاملة خضار
33. فاكرين التوم اللى قلتلقكم هنستعمله
34. بصوا بقه فية طريقتين..

35. 

36. اولا انا كنت نقعاه فى فنجال خل• يأما هتحطيى التوم بالخل مع الارز يطبخ  او بعد ما تغرفي الارز تحطي الخل
37. وفوقية الثوم من فوق الارز ▬ فى كلتا الاحوال طعمة روعة وجربيه ديما بعمل كدة مع السمك ودى تكة حلوة
38. طبعا السمكه التانية فالمقرية وانا بضع فالزيت ليمونة مع القلي عشان رائحة الظفاره
39. بضع دقيق وبقسماط لقلي السمك وممكن معلقة نشا
40. السمك الكبير خدى بالك لان ممكن يفرفت على النار او يلصق
41. عشان كدة انا بتبلة فترة طويله عشان يستوى ومش يتهري
42. زي ما قلت انا مش قارصة على السمك اوى فالقلي عشان مش يفك وكمان انا متبلاة كويس
43. وكنت طبعا عملة السلطة دى ليا
44. وبكدة انا خلصت الحمد لله
    وده كان غدانا اليوم طريقة عمل السمك المقلي مع الرز وصينية وشوربة