طريقة عمل السمك السنجارى البورى فى الفرن فتكات
- نوع الوصفة: اطباق رئيسية
- محتوى الوصفة: اسماك و مأكولات بحرية
- درجة الصعوبة: سهلة
- خصائص: سريعة التحضير سعرات حرارية قليلة محببة للاطفال
- الكمية تكفي:4 أشخاص
- وقت التحضير:60 دقيقة
- وقت الطهي:30 دقيقة
المقادير:
طريقة عمل السمك السنجارى البورى فى الفرن فتكات- سمك بورى
- فلفل رومى
- بصل
- طماطم
- توم مفروم
- ملح
- كمون
- ليمون طرنشات
- زيت زيتون
التحضير:
- سمك بورى ( حجمه كبير) وبتشيلى قشوره وبتغسليه وتغشلى الخياشيم كويس جدا
- كل ما كان كبير كل ما كان اطعم
- وتفتحيه من ظهره عشان التتبيلة تبات فى البطن وتغسليه كويس من جوا
- فلفل رومى انا هنا استخدمت 3 الوان الفلفل الاحمر والاصفر والاخضر
- وبصل متقطع طرنشات رفيعة قوى
- 3- طماطم وتشيلى قلبها عشان متنزلش مية عالسمك ويبقى فى مية
الطبخ:
- بتحطى كل المكونات على بعضها الا الليمون الطرنشات وعصير الليمون وزيت الزيتون
- بتجهزى صينية لو عايزة تفرشيها فويل ممكن
- وتحطى شوية فى ارضية الصينية من التتبيلة وشوية زيت زيتون
- ويعدين السمك اهم حاجة يكون متصفى من مية غسيلة جدا ولو مستعجلة ممكن تنشفيه بورق نشاف المطبخ
- عشان يبقى ناشف وميبقاش فيه مية وتفردى السمك فى الصينية
- وبعدين نحطى المكونات كلها على السمك وتكترى فى منطقة بطن السمك وتحطى زيت زيتون
- وبعدين تحطى شرائح ليمون ممكن لومش عايزاه عادى ده بس للجمال
- وبعدين انا بسويه تحت الشواية بتاعة الفرن بعلى الشواية واحطه 10 دقايق السمك البورى مبيلحقش
- وبعدين احطه عالصاجة من تحت 10 دقايق
- ولو حسيتى انه عايز يتحمر كمان ارفعيه عالشوايةوعلى خالص عشان ينشف
- واهو بعد ما طلع من الفرن ولذيذ
- اول ما يطلع تحطى عصيرالليمون والف هنا وشفا
- طريقة عمل السمك السنجارى البورى فى الفرن فتكات
