طريقة عمل السبيط الاسكندرانى
- نوع الوصفة: اطباق رئيسية
- محتوى الوصفة: اسماك و مأكولات بحرية
- درجة الصعوبة: سهلة جدا
- خصائص: سريعة التحضيرمحببة للاطفال
- الكمية تكفي: 4 أشخاص
- وقت التحضير: 60 دقيقة
- وقت الطهي: 30 دقيقة
المقادير:
طريقة عمل السبيط الاسكندرانى- نص كيلو
- 2 ثمرة طماطم
- بصلة متوسطة
- فلفل( ملح – فلفل اسمر – كمون – شطة )
التحضير:
- نص كيلو سبيط متقطع ومحطوط فى ميه وخل وملح
- وبعدين هنشيل القشرة اللى فى ضهر السبيط
- هيه قشره رقيقة كدة جدا ممكن تشيليها بايدك بسهولة
- ولو لازقة ممكن تستخدمى السكينه فى ازالتها
- وبعدين هنقطعها مكعبات ونحطها فى ميه وملح تانى لحد ما اجهز باقى المكونات
الطبخ: طريقة عمل السبيط الاسكندرانى
- هسخن ميه على النار عشان اسلق فيها السبيط
- الخطوة الثانيه :
- هنجيب 2 ثمرة طماطم ونقطعهم مكعبات
- الخطوة الثالثة :
- هنجيب السبيط بتاعنا نصيفه من الميه بتاعته ونشطفه تحت الميه كويس جدااااا
- وزمان الميه اللى على النار سخنت .. هنحط فيها السبيط عشان يتسلق .. ونسيبه ياخد غلوتين كدة بس اوعو
- تسيبوه كتير على النار عشان ميجلدش
- الخطوة الرابعة :
- هنجيب بصلة متوسطة ونقطعها
- الخطوة الخامسة :
- اجيب فلفل واطلع الحبوب اللى جواه واقطعه
- الخطوة السادسة :
- السبيط زمانو اتسلق .. هطلعوا من الميه واصفيه واحطه فى طبق على جنب
- الخطوة السابعة :
- هنحمر البصلة على النار فى الزيت لحد ما لونها يتغير
- وبعدين هنحط الطماطم على البصل
- هنقلب الطماطم على النار مع البصل لحد ما تتبل وبعدين احط الفلفل
- وبعدين هحط التوابل بتاعتى ( ملح – فلفل اسمر – كمون – شطة )
- ودلوقتى هحط السبيط واحط معاه معلقة صلصة بتدى شكل حلو وطعم احلى بجد
- وعشان الطعم يبقى احلى واحلى عملت طحينه تحفه
- قشرت الثوم وفرمته
- وحطيت على الثوم المفروم طحينة وخل وملح وكمون
- كدة السبيط استوى
- وبالهنا والشفا
