طريقة عمل الباتون ساليه (بقسماط بكمون)
- الكمية تكفي: 4 أشخاص
- وقت التحضير: 30 دقيقة
- وقت الطهي: 30 دقيقة
المقادير:
- كوب دقيق
- ملعقتين سمن
- بيضه
- ملعقتين سكر كبار
- ونصف كوب لبن
- ونصف كوب ماء
- 3 ملاعق صغيرين كمون مطحون
- و2 كمون حب مش مطحون يعني
- وشويه ملح يعني مثلا نصف ملعقه صغيرا ملح
- وملعقه حبه بركه لوحبيتي
- و2 ملعقه كبار زيت
- وملعقه كبيره خميره
التحضير:
- هتحطي الدقيق عليه السمن وتفركي كويس بايدك زي مابتعملي الكحك كده ,,
- بعد كده هتضيفي عليه حبه بركه وكمون والملح وخميره بعد كده تقلبي كويس وتحطي البيضه والسكر ومعلقتين
- زيت وتكوني مجهزه نصف كوب ماء ونصف كوب لبن وتحطيهم فوق بعض وتعجني بيهم كلهم تحطيهم شويه شويه
- وتعجني وتلمي العجينه ف ايدك وتسبيها تخمر ساعه بظبط
الطبخ:
- بعد كده هتشكلي العجينه وتدهني صينيه زيت وتحطي البقسماط وتكوني مجهزه بيضه وتدهني وش البقسماط
- بالبيض وترشي السمسم فوق لوحبيتي وكمون مش مطحون برده ..
- وتدخلي فرن ع درجه حراره 180 هيعد يمكن اقل من ربع ساعه ان شاء الله وده شكلو النهائي
