طريقة عمل الارز المعمر الحادق الفلاحي بالفراخ والحمام بالصور
- الكمية تكفي: 4 أشخاص
- وقت التحضير: 10 دقائق
- وقت الطهي: 30 دقيقة
المقادير:
- مقدار أرز مغسول ومصفى
- عدد 1فرخة أو حمام
- مقدار لبن مغلى
- مقدار ملح وفلفل
- مقدار سمن بلدى
الطبخ:
- تجيبى الأرز المغسول تخلطى فيه نص القشطه
- ثم ضيفى عليه كمية لبن تغطيه وأتركيه حوالى ساعتين لحد ما يشرب اللبن
- حطى قليل من الفلفل الأسود فى الفرخة وشوحيها بمعلقة سمنة بلدى
- بعد كده ضيفى عليها الأرز ثم كمية لبن تغطي الأرز بزيادة
- وطبعا أضبطى الملح
- دخليه الفرن على الصاج لغاية لما يغلى بحيث تكون درجة الحرارة 260 بعد كده هديها خالص على 160
- وأرفعيه على الشبكة بحيث تكون مرفوعة شوبة عن الصاج علشان ميتحرقش
- تشوفيه كل شوية ولما يشرب اللبن زودى اللبن
- وأعملى كده كذا مرة لغاية ما تحسى أنه أستوى
- ضيفى باقى القشطة مع معلقتين سمن بلدى وتفرديها على الوش كله وتدخليه الفرن يتحمر ويبقى لونه دهبى
ملاحظات:
- أنا بهدى عليه النار وأسيبه حوالى3 ساعات علشان يستوى براحته وبغطى الحله علشان ميتحرقش
- وأنا بعمله فى حله مش برام لأن ولادى بيموتوا فيه
- بيتخانقوا على الأرز اللى بيقى جوه وتحت الفرخة
- طريقة عمل الارز المعمر الحادق الفلاحي بالفراخ والحمام بالصور وصفات مجرب
