طريقة عمل احلى حلبسة

• • الكمية تكفي: شخصين
  • وقت التحضير: 60 دقيقة
  • وقت الطهي: 45 دقيقة

المقادير:

• • 1 كوباية حمص شام
  • 1 بصلة مفرومة
  • 1/2 معلقة صغيرة توم مفروم
  • 1 طماطماية مبشورة ناعم
  • 1/2 معلقة صغيرة صلصة
  • 1 ليمونة
  • – كمون
  • ملح
  • فلفل اسمر

التحضير:

• الاول هنغسل حمص الشام ونصفيه وبعدين ننقعه فى ميه لمده 6 ساعات وبعدين نصفيه
• ونجيب حله ونحط فيها ميه تكون كميتها كفاية انها تغطى الحمص يعنى تقريبا بتملى الحلة الصغيرة تلات ارباعها

الطبخ:

• تسيبيها تغلى وبعد كده حتحطى الحمص ومعاه البصل والتوم ونسيبهم على نار عاليه ونتابعه كل شويه ولما تلاقيه
• قرب يستوى يعنى بقى طرى وتقدرى تمضغيه هنضيف الطمطماية والصلصه بعد متقلبيهم على بعض كويس
• ونسيب الحمص شوية كمان لحد ما يستوى خالص بس خلى بالك متسيبيهوش لحد ميتهرى علشان القشرة
• بتاعته متلاقيهاش عامله عوامات على وش الميه يعنى يبقى بيقطم فى الاكل انا حذرتك اهه
• بعد كده بقى هناخد الحمص نصفي الميه بتاعته دى فى حلة تانيه…..استنى اوعى ترميها
• هنتبل الميه بقى بملح و ا/4 معلقة صغيرة فلفل اسمر ومكون والليمونه انتى هتضيفى الملح والكمون بالتدريج
• شوية بشوية لحد مطعمه يظبط معاك
• وبعدين لما تقدميه تحطى شوية حمص فى الكوباية وعليهم ماية وتقدمى معاه فى طبق صغير شوية كمون وشطة
• وليمون للى بيحب الطعم حراق وزيادة
• وبالف هنا 
• طريقة عمل احلى حلبسة

• طريقة عمل صلصة المكرونة