طريقة عمل أم الخلول بالطريقة الدمياطى

• نوع الوصفة: شوربة – حساء
• محتوى الوصفة: عام
• درجة الصعوبة: سهلة
• خصائص: سريعة التحضير سعرات حرارية قليلة محببة للاطفال

المقادير:

• كيلو أم الخلول
• 6 فصوص ثوم 
• فص مستكة
• شطة وملح وكمون
• شوية زيت

التحضير:

• بجيب أم الخلول وبنقيها وبغسلها وبنقعها فى مياه وملح عشان تطرد الرمل اللى بيكون جواها ونحاول نخلى طعم الميه زى مية البحر كدةونسبها شوية حلويين مشأقل من ساعتين ولو الجو حر بحطها فى الثلاجة
  بغسلها كويس وبحطها فى مصفاة عشان تصفى المياه اللى فيها بالمنظر ده

الطبخ:

• بكون محضرة الثوم و بحطه فى الحلة واحط عليه كمون وشطة انا بحط شطة كتير عشان بحبها مشطشطة
• ونحمرهم شوية صغيرين ونخلى بالنا عشان الثوم ما يتحرقش نحط عليهم فص المستكة ونقلب
• وبعدين نحط أم الخلول ونقلب كويس ونقفل الحلة واوعوا تحطوا مية
• نسبها شوية حوالى خمس دقايق عشان تفتح
• ام نلاقيها فتحت نحط المية وبلاش بردو تحطوا الملح دلوقت استنوا أما تغلى وبعدين ازبطوا الملح
• هنا بقى أما استوت

• طريقة عمل الرز بالجمبري بالصور