طريقة طبخ فيليه السمك المجمد بالتفصيل خطوة بخطوة

• • الكمية تكفي:4 أشخاص
  • وقت التحضير:45 دقيقة
  • وقت الطهي:20 دقيقة

المقادير:

• • كيلو سمك فيله
  • 5 فصوص ثوم كبار
  • نص فلفلاية خضراء
  • ليمونة
  • كمون
  • ملح
  • كسبرة ناشفة
  • بهارات سمك لو موجودة
  • شطة للي بيحب
  • بيضة
  • دقيق مبهر بالملح وبهارات السمك

التحضير:

• هنجهز التتبيلة بتاعتنا نفرم الثوم والفلفل الاخضر ونضيف عليهم كل التوابل وعصير اللمونة
• هنجيب السمك ونشطفه كويس اوي
• طريقة طبخ فيليه السمك المجمد

• طريقة عمل كرات السمك بالصور

الطبخ:

• ونقطع السمك قطع مناسبة
• وبعدين نتبل بيهم السمك كويس اوي ونسيبه في التلاجة يتبل مش اقل من ساعتين
• المهم اتبل وبقي زي الفل نبتدي بقي نجهزه
• هنجيب بيضة ونخلطها مع شوية زيت وملح وفلفل
• ونجهز الدقيق بتاعنا

  

• ونجيب السمك ونحطه في الدقيق
• وبعدين نحطه في البيض
• ونرجع تاني نحطه في الدقيق وعلي فكرة يا قمرات ممكن نستخدم بقسماط مفيش اي مشكلة
• ونكرر العملية لحد ما نخلص كمية السمك
• وممكن نقليه علي طول وممكن نسيبه في التلاجة نص ساعة
• المهم هنجهز الطاسة بتاعتنا ونحط فيها زيت غزير ويكون سخن اوي
• ونحط فيها قطع السمك لحد ما تاخد لون ذهبي جميل
• ونطلع السمك علي ورق المطبخ
• وبس كدة
• شوفته الطريقة سهلة ازاي
• والطعم حكاية جربوه علي ضمانتي
• ممكن نعمل جنبه رز بالبصل وسلطة طحينة وسلطة خضراء او سلطة طماطم
• والف هنا وشفا